„ბავშვთა და ახალგაზრდობის ეროვნული ცენტრის“ „მომავლის ბანაკში“ დღეს კიდევ ერთი ნაკადი გაემგზავრა. მათ შორის არიან დანაშაულის პრევენციის ცენტრის ბენეფიციარებიც.

იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრისა" და სპორტისა და ახალგაზრდობის სამინისტროს სსიპ „ბავშვთა და ახალგაზრდობის ეროვნული ცენტრის" წარმომადგენლებმა ბანაკის ახალწვეულები გააცილეს და საინტერესო დღეების ნაყოფიერად გატარება უსურვეს.

ანაკლიის ბანაკი „დანაშაულის პრევენციის ცენტრის“ ახალგაზდული პროგრამების მონაწილეებისთვის ერთგვარი წახალისებაა. „მომავლის ბანაკში“ სხვა თანატოლებთან ერთად ის 50 მოზარდი დაისვენებს, რომლებიც გასული სასწავლო წლის განმავლობაში აქტიურად იყვნენ ჩართულები ცენტრის პროგრამებსა და სერვისებში. ახალგაზრდული პროგრამების აქტიური მონაწილეები ბანაკს ეტაპობრივად ეწვევიან.

„ბავშვთა და ახალგაზრდობის ეროვნული ცენტრის“ ბანაკში ახალგაზრდები გაივლიან სპეციალურად შემუშავებულ მოდულებს ადამიანისა და ბავშვთა უფლებების, ეკოლოგიის, ჰიგიენის, და საქართველოს ისტორიის შესახებ. ექნებათ სპორტული აქტივობები ოლიმპიადის პრინციპით და სხვა. ბავშვთა და ახალგაზრდობის ეროვნული ცენტრი „მომავლის ბანაკს" საქართველოს მთავრობის განკარგულებით ახორციელებს. „მომავლის ბანაკი" სულ 2304 მოზარდს მიიღებს.

სსიპ „დანაშაულის პრევენციის ცენტრის“ ერთ-ერთი მიმართულებაა მოზარდებში სამართლებრივი და სამოქალაქო ცნობიერების ამაღლება, ჯანსაღი ცხოვრების წესის პოპულარიზაცია, დანაშაულის პრევენცია. ამ მიზნით სხვადასხვა ახალგაზრდული პროგრამები/პროექტები მიმდინარეობს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს

დიუშენის სინდრომის მქონე ბავშვების მშობლებმა საქართველოს პროკურატურას მიმართეს