ირაკლი ღარიბაშვილი ლატვიის სეიმის თავმჯდომარეს შეხვდა

2015-01-09 15:03:15, 337 ნახვა

საქართველოს პრემიერ-მინისტრი ირაკლი ღარიბაშვილი ლატვიის სეიმის თავმჯდომარე ინარა მურნიეცემს შეხვდა.
მთავრობის ადმინისტრაციის პრესსამსახურის ინფორმაციით, მხარეებმა შეხვედრაზე საქართველო-ლატვიის საკანონმდებლო ორგანოების თანამშრომლობის გაღრმავებაზე იმსჯელეს. ამ მიმართულებით ხაზი გაესვა ორი ქვეყნის პარლამენტთაშორისი მეგობრობის ჯგუფების საქმიანობის მნიშვნელობას.
შეხვედრაზე აღინიშნა, რომ ორი ქვეყნის საკანონმდებლო ორგანოების თანამშრომლობის გაღრმავებას ხელს შეუწყობს საქართველოს პარლამენტის თავმჯდომარის ვიზიტი ლატვიაში, რომელიც 2015 წელს იგეგმება.
პრემიერ-მინისტრმა სეიმის თავმჯდომარეს საქართველოს ევროპული და ევროატლანტიკური ინტეგრაციის მხარდამჭერი არაერთი განცხადების მიღებისა და ვიზიტების აქტიური დინამიკისთვის მადლობა გადაუხადა.
შეხვედრის დასასრულს საქართველოს პრემიერ-მინისტრმა სეიმის საპატიო სტუმართა წიგნში სამახსოვრო ჩანაწერი გააკეთა.