„რესპუბლიკური პარტიის“ ერთ-ერთი ლიდერის ლევან ბერძენიშვილის შეფასებით, პრემიერ-მინისტრის განცხადებები მის პოლიტიკურ უმწიფრობაზე მიუთითებს.

როგორც ბერძენიშვილმა „ექსპრესნიუსთან“ განაცხადა, ბოლშევიკების გარდა, ერთპარტიული სისტემა არავის მოუფიქრებია და ახლა მსოფლიოში მრავალპარტიულობის ეპოქაა.

„როდესაც პრემიერი ამბობს, რომ ახლა ჯგუფების დრო არ არის ახლა ერთად უნდა ვიყოთ, ეს ნიშნავს, რომ მას მრავალპარტიულობა არ ესმის და ეს ბოლშევიკობაა.  ეს არის პოლიტიკური უმწიფრობისა და გაუნათლებლობის ნიშნები. რას ქვია არჩევნების დროს ჯგუფებად დაშლის დრო არ არის? თავად პარტია ჯგუფს, ნაწილს ნიშნავს. პრემიერ-მინისტრთან კიდევ მაქვს პრეტენზია - ამდენი პიროვნება, რომ დაასახელა, ვერ ატყობს გენდერული თვალსაზრით რა უბედურება ხდება?! „ოცნებამ“ ერთი ქალი მაჟორიტარი ვერ გაიმეტა, რაც მთავარია, ნაფტალინიდან შევარდნაძის კადრების ამოცოცება არის არასერიოზული მიდგომები და ჭკუას სხვას როგორ ასწავლის. მთელს მსოფლიოში მრავალპარტიულოს ეპოქაა. ბოლშევიკების გარდა,  ერთპარტიული სისტემა არავის მოუფიქრებია. სოციალისტურ პოლონეთსა და ჩეხეთსი, ყასიდად,  3-4 პარტია მაინც იყო. კვირიკაშვილი ამბობს, რომ კოალიცია არ მინდაო - მეტი რა არის ბოლშევიკობა?! ბოლშევიკობა არის სწორედ ის, რომ ერთი პარტია მართავს და უმცირესობა არ აინტერესებს“, - განაცხადა ბერძენიშვილმა.

შეგახსენებთ, რომ გუშინ „მაესტროსთან“ ინტერვიუში პრემიერ-მინისტრი გიორგი კვირიკაშვილი გააკრიტიკა და აღნიშნა, რომ კვირიკაშვილის გამოსვლებში, ბოლო დროს, ბოლშევიკური ტექსტები ჭარბობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველო და სომხეთი 2029 წელს FIFA-ს U20 მსოფლიო ჩემპიონატს უმასპინძლებენ

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო