"ჩვენ სრულად ვუჭერთ მხარს თურქეთს, ქვეყანაში დემოკრატიულად არჩეულ მთავრობას" ამის შესახებ საქართველოს საგარეო საქმეთა მინისტრმა მიხეილ ჯანელიძემ თურქეთში, ქართული დელეგაციის ოფიციალური ვიზიტისას განაცხადა. 

საგარეო უწყების ხელმძღვანელმა აღნიშნა, რომ თურქეთში განვითარებული მოვლენების მიუხედავად, სტრატეგიული თანამშრომლობის მაღალი დონის საბჭოს შეხვედრის გამართვა, ქვეყნებს შორის სტრატეგიული პარტნიორობის კიდევ ერთი დადასტურებაა.

”თურქეთში პრემიერ-მინისტრის ვიზიტის ფარგლებში იმართება სტრატეგიული თანამშრომლობის მაღალი დონის საბჭოს შეხვედრა. ეს არის პირველი შეხვედრა საქართველოსა და თურქეთს შორის ამ ფორმატში. მიუხედავად თურქეთში განვითარებული მოვლენებისა ჩვენ მაინც გადავწყვიტეთ, 19 ივლისს დაგეგმილი ამ ფორმატით შეხვედრის ჩატარება, რაც ორ ქვეყანას შორის მეგობრობის, სტრატეგიული პარტნიორობის, თანამშრომლობის კიდევ ერთი დადასტურებაა. ჩვენ სრულად ვუჭერთ მხარს თურქეთს, ქვეყანაში დემოკრატიულად არჩეულ მთავრობას, დემოკრატიულ ინსტიტუტებს, თურქეთის დემოკრატიულ განვითარებას და ორ ქვეყანას შორის კიდევ უფრო მჭიდრო კავშირების გაღრმავებას. ეს არის მიმართულებები როგორც ვაჭრობის კუთხით, ასევე ეკონომიკის, ტურიზმის, სოფლის მეურნეობის, ენერგეტიკის, ტრანსპორტისა და სხვა სფეროებში. ჩვენ ერთობლივად ვავითარებთ ძალიან ბევრ მნიშვნელოვან, სტრატეგიულ პროექტს, რომელიც მნიშვნელოვანია რეგიონული განვითარებისთვის, უსაფრთხოებისთვის, მშვიდობისთვის და ჩვენ ყველა ამ პროექტზე, ასევე ორმხრივ ურთიერთობებში შემდგომ ნაბიჯებზე ვიმსჯელებთ”, - განაცხადა საგარეო საქმეთა მინისტრმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა