2015-03-02 15:39:10, 541 ნახვა

---

ირაკლი აბესაძე: მეწარმეობის ხელშემწყობი ცენტრი იქმნება, რათა მარგიშვილს ხელფასი ჰქონდეს

საკრებულოს ფრაქცია „ნაციონალური მოძრაობის“ წევრის ირაკლი აბესაძის შეფასებით, ალესანდრე მარგიშვილი ვიცე-მერის თანამდებობიდან კორუფციული ქმედებების გამოა გათავისუფლებული, თბილისის მეწარმეობის ხელშეწყობის ცენტრი კი იმისთვის იქმნება, რომ მას ხელფასი ჰქონდეს.

აბესაძის თქმით, საკრებულოს ფრაქცია „ნაციონალური მოძრაობა“ თბილისის მეწარმოების ხელშეწყობის ცენტრის პროექტის დამტკიცებას მხარს არ დაუჭერს.

„საკუთარ თანამშრომლებზე მოძალადე ალექსანდრე მარგიშვილი, რომელიც თანამდებობიდან გათავისუფლებული იქნა, ხშირად კორუფციის სკანდალებთან შემხებლობის გამო, მისთვის იქმნება სპეციალური ცენტრი და დაიხარჯება 2 მილიონ ლარზე მეტი, იმისათვის რათა მას ჰქონდეს ხელფასი და კვლავ მიეცეს საშუალება კორუფციული მაქინაციებით დაკავდეს თბილისის მერიაში. ასე რომ რა თქმა უნდა, ამ საკითხის მხარდაჭერა შეუძლებელი იქნება, მითუმეტეს დღევადნელ სიტუაციაში, როცა მართლაც უნდა ხდებოდეს ადმინისტრაციული ხარჯების დაზოგვა, როდესაც თბილისის მერიაში მსგავსი კომპეტენციის მქონე სხვა სამსახურებიც არსებობს. ასე რომ მარგიშვილის დასაქმების ბიუროს და ახალი შპს კორუფციის შემქნას თბილისის მერიაში ჩვენ მხარს არ დავუჭერთ“, - აღნიშნა აბესაძემ.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი