2016-06-27 16:43:37, 1194 ნახვა
ეკონომიკა
ლარი დოლართან მიმართებაში კიდევ 5 თეთრით გაუფასურდა
ლარი დოლართან მიმართებაში გაუფასურებას განაგრძობს.
ეროვნული ბანკის მიერ დადგენილი ლარის ახალი ოფიციალური გაცვლითი კურსის თანახმად, 1 დოლარი ხვალ, 2.3436 ლარი ეღირება, დღემდე მოქმედი კურსით კი, მისი შეძენა 2.2941 ლარად იყო შესაძლებელი. კურსის ცვლილებამ დოლართან მიმართებაში 0.0495 ლარი შეადგინა.
რაც შეეხება ევროს, 1 ევრო ხვალ, 2.5850 ლარი ეღირება, დღემდე მომქმედი კურსით კი, მისი ღირებულება 2.5377 ლარს შეადგენდა. შესაბამისად, კურსის ცვლილებამ ევროსთან მიმართებაში 0.0473 ლარი შეადგინა.
შეგახსენებთ, ბოლო ორი კვირის განმავლობაში ლარი დოლართან მიმართებაში 22 თეთრით გაუფასურდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
