მსოფლიოში ცნობილმა ქართველმა სპორტსმენმა გიგა ჭიკაძემ, დამწყები ქართველი სპორტსმენებისთვის მასტერკლასი გამართა.

კიკბოქსინგში ორგზის მსოფლიო ჩემპიონმა, სემინარი  სპორტის ორ სახეობაში - კიკბოქსინგში და ტაილანდულ კრივში ოცამდე 8-დან 25 წლამდე ასაკის სპორტსმენებს საქართველოს ფარიკაობის ფედერაციის სპორტულ დარბაზში ჩაუტარა.

„საქართველოში დროებით ვიმყოფები, გადავწყვიტე ქართველი ახალგაზრდებისთვის საკუთარი გამოცდილება გამეზიარებინა. იდეის მიმართ დიდი დაინტერესება გამოხატეს დამწყებმა სპორტსმენებმა. მადლობა მინდა გადავუხადო კომპანიებს: „რომპეტროლს“ და „ივერიაბეთს“, რომლებიც ჩემი ინიციატივის მხარდამჭერები და ამასთან ერთად ჩემი სპონსორებიც არიან“, - განაცხადა გიგა ჭიკაძემ.

ახალგაზრდა სპორტსმენების მხრიდან დიდი ინტერესის გამო, გიგა ჭიკაძე ანალოგიური მასტერკლასების ჩატარებას სამომავლოდაც გეგმავს.

„არ დავიზარებ, რომ ჩემი ცოდნა და გამოცდილება ქართველებს გავუზიარო. სამწუხაროდ ჩვენს ქვეყანაში სპორტის ეს სახეობები განვითარებული არ არის. ხშირად არ ტარდება სპორტული შეჯიბრებები და ღონისძიებები.  ვისურვებდი რომ ამ სპორტს მეტი ყურადღება დაეთმოს“, - განაცხადა გიგა ჭიკაძემ.

რაც შეეხება გიგას სამომავლო გეგმებს, მსოფლიო ჩემპიონი 3 მარტს ამერიკაში, კერძოდ, ლოს-ანჯელესში მიემგზავრება, სადაც MMA-ს კლუბში, მსოფლიოში აღიარებულ სპორტსმენებთან ერთად ივარჯიშებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე იობი: ღმერთმა ინებოს, მომავალი პატრიარქის და მეფის ღვაწლით, გამოვიდეთ ამ ჭაობიდან

მერია: 12 აპრილს მეტრო 04:00 საათამდე იმუშავებს, 23:00 საათიდან მგზავრობა უფასო იქნება

პოლონეთში 5 თვის ბავშვი, სავარაუდოდ, ცემის შედეგად დაიღუპა - დააკავეს ქართველი დედა, ეძებენ მამას

POLITICO: ტრამპმა რუტეს დახურულ შეხვედრაზე შეურაცხყოფა მიაყენა, მიანიშნა შურისძიების ვარიანტებზე