საქართველოს თავდაცვის სამინისტროს ინიციატივით, ნატოსა და უსაფრთხოების საკითხებზე ცნობიერების ამაღლების მიზნით, ახალციხის სამხედრო ბაზაზე სამცხე-ჯავახეთის რეგიონის თვითმმართველობების წარმომადგენლებთან საინფორმაციო შეხვედრა გაიმართა.

ღონისძიებაზე რეგიონში უსაფრთხოების, საქართველოს შეიარაღებული ძალების ნატოსთან თავსებადობისა და სამშვიდობო მისიებში მიღებული გამოცდილებების საკითხებზე ისაუბრეს. განსაკუთრებული ყურადღება ნატო-საქართველოს ურთიერთობებზე და ვარშავის სამიტთან დაკავშირებულ მოლოდინებზე გამახვილდა. 
მოგვიანებით სტუმრებმა ახალციხის სამხედრო ბაზა დაათვალიერეს და ჯარისკაცებთან ერთად ისადილეს.

კონფერენციაში სამცხე-ჯავახეთის რეგიონის 23 წარმომადგენელი მონაწილეობდა. თვითმმართველობების წარმომადგენელები მუნიციპალიტეტებში ევროპულ და ევრო-ატლანტიკურ სტრუქტურებში ინტეგრაციის საკითხებში პასუხისმგებელ პირებად საქართველოს ევროკავშირში ინტეგრაციის სამთავრობო კომისიის 53-ე სხდომის გადაწყვეტილების შესაბამისად დასახელდნენ.

საქართველოს თავდაცვის სამინისტროს სტრატეგიული კომუნიკაციების დეპარტამენტმა ნატოსა და უსაფრთხოების საკითხებზე საინფორმაციო შეხვედრები დასავლეთ და აღმოსავლეთ საქართველოს ადგილობრივი თვითმმართველობების წარმომადგენლებთანაც გამართა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა

პირმა წარსულში არსებული დავის ნიადაგზე 2 კაცი მოკლა

ახმეტაში, შვილის გადარჩენის მცდელობისას მამაკაცი ტბაში დაიხრჩო

ბრიტანეთმა რუსული „ჩრდილოვანი ფლოტის“ ტანკერი დააკავა