ბიძინა ივანიშვილის გადაცემას -

2015-02-28 10:23:27, 597 ნახვა

საზოგადოება

ბიძინა ივანიშვილის გადაცემას - "საზოგადოება 20/30“ არჩილ გამზარდია წაიყვანს

საქართველოს ყოფილი პრემიერ-მინისტრის ბიძინა ივანიშვილის ანალიტიკურ გადაცემას - „საზოგადოება 20/30“ ანალიტიკოსი არჩილ გამზარდია წაიყვანს.

ამის შესახებ „ექსპრესნიუსისთვის“ ექსკლუზიურად გახდა ცნობილი.

გადაცემა ეთერში კვირაში ერთხელ, ყოველ კვირა დღეს გავა. გადაცემაში მიწვეულ სტუმრებთან ერთად არჩილ გამზარდია და ბიძინა ივანიშვილი ქვეყანაში მიმდინარე საკითხებზე იმსჯელებენ.

როგორც "ექსპრესნიუსს" გადაცემის პროდიუსერმა ვალერი მაღლაფერიძემ განუცხადა, „საზოგადოება 20/30“ ეთერში მარტის შუა რიცხვებში გავა.

მაღლაფერიძის ინფორმაციით, გადაცემის ეთერში გასასვლელად სამუშაოები უკვე მიმდინარეობს.

„ექსპრესნიუსი“ არჩილ გამზარდიასაც დაუკავშირდა, რომელმაც აღნიშნული ინფორმაცია არც დაადასტურა და არც უარყო.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან