2016-06-15 12:53:51, 662 ნახვა
პოლიტიკა
სამხრეთ ოსეთის ე.წ. პარლამენტი სომხეთის გენოციდის აღიარებას გეგმავს
სამხრეთ ოსეთის ე.წ. პარლამენტი 1915 წლის მოვლენების განხილვას და ოსმალეთის იმპერიის მიერ სომხების გენოციდის აღიარებას გეგმავს.
როგორც რუსული საინფორმაციო სააგენტოები წერენ. "პარლამენტმა" აღნიშნული საკითხის განხილვა უკვე დაიწყო.
"რამდენიმე დეპუტატმა აღნიშნა, რომ ამისათვის საჭიროა სომხეთმაც აღიაროს ოსების გენოციდი, თუმცა, ეს არ არის პრინციპულად მნიშვნელოვანი. პრინციპულად მნიშვნელოვანია ის, რომ სომხური დიასპორის წარმომადგენლები სამხრეთ ოსეთის საზოგადოების სრულუფლებიანი წევრები არიან, ბევრი მათგანი ჩვენი ქვეყნის თავისუფლებისა და დამოუკიდებლობისთვის იბრძოდა, მათ ჩვენ ხალხთან ერთად გაიარეს ბევრი და რთული წელი", - ნათქვამია ე.წ. პარლამენტის "პრეს-სამსახურის" განცხადებაში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
