15 ივნისიდან დონატის ფასი 1,20 ლარამდე შემცირდება, - ამის შესახებ „ვისოლ ჯგუფის“ პრეზიდენტის, სოსო ფხაკაძის განცხადებაშია აღნიშნული.

მისი თქმით, „დანკინ დონატსის“ პროდუქცია მისდამი სიყვარულის მიუხედავად ფასის ბარიერის გამო მოსახლეობის ძალიან დიდი ნაწილისათვის ხელმისაწვდომი არ იყო.

„ვისოლ ჯგუფის“ პრეზიდენტის, სოსო ფხაკაძის  განცხადება:

„3 ივნისს, დონატის საერთაშორისო დღეს ჩვენი შვილობილი კომპანიის, „დანკინ დონატსის“ რესტორნებმა მხოლოდ 1 დღით 1 დონატი 1 ლარად შესთავაზეს ჩვენს ერთგულ მომხმარებლებს. ამ აქციას მყისიერი რეაქცია მოჰყვა ჩვენი მომხმარებლების მხრიდან, რაც რესტორნებში მომხმარებლების ნაკადების მნიშვნელოვან ზრდაში გამოიხატა. ამით ჩვენთვის ნათელი გახდა, რომ ჩვენი პროდუქცია მისდამი სიყვარულის მიუხედავად ფასის ბარიერის გამო არ იყო ხელმისაწვდომი მოსახლეობის ძალიან დიდი ნაწილისათვის. ჩვენი ამოცანაა ერთგულად ვემსახურებოდეთ ჩვენი ქვეყნის მოსახლეობის ნებისმიერ ფენას. ამიტომაც კომპანიის მენეჯმენტის გადაწყვეტილებით ამა წლის 15 ივნისიდან დონატის ფასი შემცირდება 1,20 ლარამდე. ეს არის ჩვენი ჯგუფის ბუნებრივი რეაქცია მომხმარებლის მოთხოვნაზე კომპანიის მაქსიმალური შესაძლებლობის ფარგლებში. გმადლობთ ყველას ერთგულებისთვის!“, - ნათქვამია სოსო ფხაკაძის განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს

მაღაზიების ძარცვის ბრალდებით, წარსულში ნასამართლევი 15 წლის მოზარდი დააკავეს

ციფრული ტრანსფორმაციის პრაქტიკული შედეგები: როგორ ცვლის „თეგეტა ჰოლდინგი“ იურიდიულ პროცესებს Lawformer-თან პარტნიორობით

თიბისი კაპიტალმა მაკროეკონომიკური განახლება გამოაქვეყნა განახლებული პროგნოზები: უფრო მაღალი ეკონომიკური ზრდა, ინფლაცია, და სტაბილური ლარი