არავის მივცემთ იმის შესაძლებლობას, რომ პროვოკაციული და დესტრუქციული ქმედებებით ჩრდილი მიაყენონ ოქტომბრის საპარლამენტო არჩევნებს, - ამის შესახებ საქართველოს ვიცე-პრემიერმა, ენერგეტიკის მინისტრმა კახა კალაძემ „ქართული ოცნების“ ცენტალურ ოფისში, პარტიის საარჩევნო შტაბის ხელმძღვანელად წარდგენის შემდეგ განაცხადა.

როგორც კალაძემ აღნიშნა, „ქართული ოცნება“ ყველაფერს გააკეთებს, რომ არჩევნები დემოკრატიულ, სამართლიან, თავისუფალ და მშვიდობიან გარემოში ჩატარდეს.

„დღეიდან ჩვენი პარტია „ქართული ოცნება - დემოკრატიული საქართველო“ იწყებს აქტიურ მზადებას ოქტომბრის საპარლამენტო არჩევნებისთვის, რომელშიც პარტია მონაწილეობას მიიღებს, როგორც დამოუკიდებელი პარტია. „ქართული ოცნება“, როგორც მმართველი პარტია გააკეთებს ყველაფერს იმისთვის, რომ არჩევნები ჩატარდეს დემოკრატიულ, სამართლიან, თავისუფალ და მშვიდობიან გარემოში.  ჩვენ არავის მივცემთ იმის შესაძლებლობას, რომ პროვოკაციული და დესტრუქციული ქმედებებით ჩრდილი მიაყენონ ოქტომბრის საპარლამენტო არჩევნებს. ამ არჩევნებით დავანახებთ საერთაშორისო თანამეგობრობას, რომ საქართველოში მიმდინარე დემოკრატიული რეფორმები შეუქცევადი ხასიათისაა“, - განაცხადა კალაძემ.

მისივე თქმით, „ქართული ოცნების“ პარტიული რესურსი ოქტომბრის არჩევნებში გამარჯვებისთვის სრულად იქნება მობილიზებული.

„ჩვენი უკვე დავასრულეთ პარტიის ცენტრალური საარჩევნო შტაბის ფორმირება. უახლოეს დღეებში დასრულდება ადგილობრივი შტაბების ფორმირების პროცესი. ჩვენი პარტიული რესურსი სრულად იქნება მობილიზებული ოქტომბრის საპარლამენტო არჩევნებში „ქართული ოცნებისა“ და ქართველი ამომრჩევლის გამარჯვებისთვის“, - განაცხადა კახა კალაძემ.

ცნობისთვის, პარტია „ქართული ოცნება - დემოკრატიული საქართველოს“ საარჩევნო შტაბს ვიცე-პრემიერი, პარტიის გენერალური მდივანი კახი კალაძე უხელმძღვანელებს. კალაძე პრემიერმა ცოტა ხნის წინ, პარტიის ოფისში გამართულ ბრიფინგზე წარადგინა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიუშენის სინდრომის მქონე ბავშვების მშობლებმა საქართველოს პროკურატურას მიმართეს

„თეგეტა“ ბიზნესისთვის - კომპანიამ სადისტრიბუციო სექტორს ფლიტ მენეჯმენტის ახალი სტანდარტი წარუდგინა

ფაშინიანი - დღის წესრიგშია საქართველოსთან დელიმიტაციის დასრულების საკითხიც

ხელისუფლების მიერ არჩეული კურსი ქვეყანას აშორებს ევროკავშირის გზას - ევროკავშირის წარმომადგენლობა