თბილისის მერი დავით ნარმანია საქართველო-ყაზახეთის ბიზნესფორუმს დაესწრო. ფორუმზე, რომელიც Forbes Georgia და Forbes Kazakhstan-ის ორგანიზებით გაიმართა,  წარმოდგენილი იყო საინვესტიციო პროექტები სოფლის მეურნეობის, ტურიზმის, უძრავი ქონების, ლოგისტიკის და ეკონომიკის სხვა სფეროებიდან. ყაზახეთის 40-კაციანი დელეგაციის შემადგენლობაში არიან მსხვილი ყაზახური კომპანიების მფლობელები. 

როგორც "ექსპრესნიუსს" თბილისის მერიიდან აცნობეს, თბილისის მერმა ფორუმის მონაწილეებს სიტყვით მიმართა. 

დავით ნარმანიამ ყურადღება საქართველოში არსებულ ხელსაყრელ ბიზნეს გარემოზე და გამარტივებულ ადმინისტრაციულ პროცედურებზე გაამახვილა. 

„ქვეყნისა და დედაქალაქის მთავრობა უპირობო მხარდაჭერას გპირდებათ თქვენ, თქვენს პარტნიორებს და ყველა ინვესტორს ჩვენთან ბიზნესის წამოწყებასა და წარმართვაში. ჩვენ აღმოვფხვერით კორუფცია, შევქმენით ღია, გამჭვირვალე და ხელსაყრელი ბიზნეს გარემო. ჩვენთან მარტივია ბიზნესის დაწყება, რადგანაც გვაქვს გამარტივებული ადმინისტრაციული პროცედურები ქონების განკარგვაზე, მშენებლობაზე და ა.შ. მშენებლობის ნებართვების გაცემა ელექტრონული ფორმით ხდება, რაც სულ რამდენიმე დღეს მოიცავს. შესაბამისად, პირდაპირი უცხოური ინვესტიციები ყოველწლიურად მზარდია. ბაზარზე ღია და სამართლიანი კონკურენციაა.  წამყვანი სარეიტინგო სააგენტოები ჩვენს ქვეყანას აფასებენ, როგორც სტაბილურსა და პოზიტიურს. გვაქვს თავისუფალი სასამართლო, შესაბამისად, ბიზნესთან დაკავშირებული დავები წყდება ხელისუფლებისგან დამოუკიდებლად და მისი ჩარევის გარეშე.  ზემოაღნიშნულიდან გამომდინარე ჩვენთან ინვესტირება არის უსაფრთხო და ამავდროულად გვაქვს დაბალი გადასახადები. ქვეყნისა და ქალაქის სტაბილური მდგრადი განვითარება ჩვენი მთავარი მიზანია“, - განაცხადა დავით ნარმანიამ. 

შეხვედრას ესწრებოდნენ ეკონომიკისა და მდგრადი განვითარების მინისტრი,  საჯარო და კერძო სექტორის წარმომადგენლები, საქართველოში აკრედიტებული დიპლომატიური კორპუსისა და საერთაშორისო ფინანსური ორგანიზაციების წარმომადგენლები. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

იტალიის პრემიერ-მინისტრი პუტინის G20-ის სამიტზე მიწვევას ეწინააღმდეგება

მედია: ტრამპმა პაკისტანში ირანთან მოსალაპარაკებლად აშშ-ს დელეგაცია არ გაგზავნა

სუს: დავაკავეთ სუს-ის ყოფილი და შსს-ს მოქმედი თანამშრომელი, ბრალი ედება სუს-დან საიდუმლო ინფორმაციის გატანაში

ირაკლი [დაჩი] ბერაია აუდიტის სამსახურის უფროსის პირველ მოადგილედ დაინიშნა