„ვისოლ ჯგუფმა“ ბავშვთა დაცვის საერთაშორისო დღისადმი მიძღვნილი კვირეული „ვენდიში“, მრავალშვილიანი ოჯახების ბავშვებისთვის ინფო ტურით დაიწყო.

ვაკეში მდებარე „ვენდის“ ამერიკულ რესტორანში ორგანიზაცია „გენი ქართულის“ ბენეფიციარ მრავალშვილიანი ოჯახების ბავშვებს, შესაძლებლობა ჰქონდათ დაეთვალიერებინათ „ვენდის“ სამზარეულო, სადაც გაეცნენ, თუ როგორი მაღალი სტანდარტებით ხდება „ვენდის“ უგემრიელესი მენიუს მომზადება.

ბავშვების გართობაზე „ვენდის“ გოგონები ზრუნავდნენ. სახეზე მოხატვით, ხელის გულებზე ფერადი საღებავებით ანაბეჭდების დადებით, ცარცით ეზოს მოხატვით და საკვირაო სკოლა „რებუსთან“ ერთად გასართობ-შემეცნებითი აქტივობებით, მათ „ვენდიში“ დაუვიწყარი დრო გაატარეს.

ორგანიზაცია „გენი ქართული“ საქართველოში მრავალშვილიანი ოჯახების რიცხვის მატებასა და საზოგადოებრივი აზრის ამ კუთხით ფორმირებას ემსახურება. ორგანიზაციის პიარ-მენეჯერის, ნათია ანთიას თქმით, კვირეულის ფარგლებში „ვენდისთან“ ერთად სხვადასხვა ღონისძიებებია დაგეგმილი.

„ჩვენმა ორგანიზაციამ „გენი ქართული“, ბავშვთა დაცვის დღესთან დაკავშირებით, კვირეული დაიწყო. მთელი კვირის განმავლობაში, ძალიან ბევრი პროექტი გვაქვს დაგეგმილი. ეს კვირეული დღეს „ვენდიში“ დავიწყეთ. „ვენდის“ 50 მრავალშვილიანი ოჯახების ბავშვებთან ერთად ვესტუმრეთ. ბავშვები ენერგიის, პოზიტივისა და სიცოცხლის მატარებლები არიან. ჩვენ გვინდა უფრო მეტად გავუხალისოთ ეს კვირა, განსაკუთრებით კი მრავალშვილიანი ოჯახების ბავშვებს. მათ კიდევ უფრო მეტად სჭირდებათ წახალისება. ძალიან დიდ მადლობას ვუხდით „ვენდის“ მათი მხარდაჭერისთვის და თბილი მიღებისთვის“, - განაცხადა ნათია ანთიამ.

როგორც „ვენდის“ მარკეტინგის დეპარტამენტის უფროსმა, სოფო ჩოგოლაძემ აღნიშნა, ბავშვთა დაცვის დღის კვირეულის ფარგლებში, „ვენდი“ განსაკუთრებულ ღონისძიებებს გეგმავს.

„1 ივნისის კვირეულის ფარგლებში, „ვენდი“ განსაკუთრებულ ღონისძიებებს გეგმავს. ჩვენი პირველი ღონისძიება დღეს ჩატარდა, რომლის ფარგლებშიც „გენი ქართულის“ ბენეფიციარ ბავშვებს ვუმასპინძლეთ. კვირეულის ფარგლებში, მათ უამრავ სახალისო აქტივობებს ვპირდებით. მაგალითად, ინფო-ტურები „ვენდიში“, „რებუსის“ განმანათლებელი და სახალისო აქტივობები და მრავალი სხვა“, - განაცხადა სოფო ჩოგოვაძემ.

ბავშვთა დაცვის დღესთან დაკავშირებით, „ვისოლ ჯგუფი“ შემდეგ ღონისძიებებს გეგმავს:

30 მაისს USAID/G-Pried საქართველოს დაწყებითი განათლების პროექტი და „ვისოლ ჯგუფი“ ხელს მოაწერენ ურთიერთთანამშრომლობის მემორანდუმს, რომლის საფუძველზეც „ვისოლ ჯგუფის“ წარმომადგენლები მოხალისეებად ჩაერთვებიან დაწყებითი კლასების ბავშვებში ბიზნესის უნარ-ჩვევების განვითარების პროგრამაში;
1 ივნისს „ვისოლ ჯგუფის“ ყველა შვილობილი კომპანიის ობიექტზე მისულ ბავშვებს განსაკუთრებული გარემო ელით;
4 ივნისს „სმარტის“ სუპერმარკეტისა და „დანკინ დონატსის“ წყნეთის ობიექტზე ზაფხულის სეზონის გახსნა იგეგმება, სადაც ბავშვებს და მშვობლებს უამრავი გასართობ-შემეცნებითი ღონისძიება ელით.
10 ივნისს“ ვისოლ ჯგუფი“ გამართავს საქველმოქმედო აქციას „რაიდმედის“ დასახმარებლად. „რაიდმედი“ გახლავთ ცენტრი, სადაც „რაიდთერაპიას“ გადიან ცერებრალური დამბლის, აუტიზმის, დაუნის სინდრომის, სქოლიოზის და სხვა თანდაყოლილი ჯანმრთელობის პრობლემების მქონე ბავშვები. ბავშვთა რეაბილიტაცია ცხენებზე ჯირითის დახმარებით ხდება.

ფოტო რეპორტაჟი

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

იტალიის პრემიერ-მინისტრი პუტინის G20-ის სამიტზე მიწვევას ეწინააღმდეგება

მედია: ტრამპმა პაკისტანში ირანთან მოსალაპარაკებლად აშშ-ს დელეგაცია არ გაგზავნა

სუს: დავაკავეთ სუს-ის ყოფილი და შსს-ს მოქმედი თანამშრომელი, ბრალი ედება სუს-დან საიდუმლო ინფორმაციის გატანაში

ირაკლი [დაჩი] ბერაია აუდიტის სამსახურის უფროსის პირველ მოადგილედ დაინიშნა