საპარლამენტო უმრავლესობის წევრის ნუკრი ქანთარიას განცხადებით, კონსტიტუციაში ქორწინებასთან დაკავშირებული ჩანაწერი უნდა დაზუსტდეს.

დეპუტატის განცხადებით, კონსტიტუციაში უნდა ჩაიწეროს, რომ ქორწინება ქალის და მამაკაცის ერთობაა.

ამასთან, მისივე  თქმით, არსად და არც ერთ სფეროში, ერთი და იმავე სქესის მიმართ ლტოლვას თანაგრძნობა არ ჰქონდა.

„არასდროს ყოფილა „რომეო და რომეო“, „ჯულიეტა და ჯულიეტა“, რატომ არ შეიძლებოდა მაშინ ასეთნაირად ყოფილიყო? „იზოლდა და იზოლდა“, „ტრისტანი და ტრისტანი“. ეს საკითხი მე-20 საუკუნის ბოლომდე და 21-ე საუკუნის დასაწყისამდე არ დამდგარა. შემდეგ, ეს ტენდენციები ხელოვნებაში წამოვიდა და დღეს თუ გადავხედავთ ევროპულ და ამერიკულ, თუნდაც კინემატოგრაფიას თუ მხატვრობას, იქ უკვე თითქმის შეუძლებელია ერთი შტრიხი მაინც არ იყოს ამდაგვარი. ტენდენციები და ინტერპრეტაციები უკვე აქეთკენაა წასული, რომ შეიძლება „რომეო და რომეო“, „ჯულიეტა და ჯულიეტა“. მიუხედავად ამისა, ეს არ იწვევს თანაგრძნობას, იმიტომ რომ ეს არ არის ბუნებრივი, ეს არის გადახრა, ეს არის ზოგჯერ წამხედურობა, ზოგჯერ სენი, ეს არ არის ორგანული“, - განაცხადა ქანთარიამ.

შეგახსენებთ, ამ წუთებში პარლამენტში დეპუტატები ქორწინების განსაზღვრასთან დაკავშირებით კონსტიტუციაში შესატან ცვლილებებზე მსჯელობენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

იტალიის პრემიერ-მინისტრი პუტინის G20-ის სამიტზე მიწვევას ეწინააღმდეგება

მედია: ტრამპმა პაკისტანში ირანთან მოსალაპარაკებლად აშშ-ს დელეგაცია არ გაგზავნა

სუს: დავაკავეთ სუს-ის ყოფილი და შსს-ს მოქმედი თანამშრომელი, ბრალი ედება სუს-დან საიდუმლო ინფორმაციის გატანაში

ირაკლი [დაჩი] ბერაია აუდიტის სამსახურის უფროსის პირველ მოადგილედ დაინიშნა