2016-05-27 15:10:16, 526 ნახვა
საზოგადოება
26 მაისის აღსანიშნავად, კვიპროსში სასტუმრო „Hilton Nicosia“ საქართველოს დროშის ფერებში განათდა
საქართველოს დამოუკიდებლობის აღდგენის 25 წლის იუბილის აღსანიშნავად, 26 მაისს კვიპროსში საქართველოს დროშის ფერებში განათდა სასტუმრო „Hilton Nicosia".
საგარეო საქმეთა სამინისტროს ინფორმაციით, კვიპროსში საქართველოს საელჩომ, გამართა ამ დღისათვის მიძღვნილი საზეიმო მიღება, რომელსაც დაესწრნენ დიპლომატიური კორპუსისა და ქართული დიასპორის წარმომადგენლები.
მიღების პარალელურად, მოეწყო ეროვნული სამოსის გამოფენა, ღვინის ჭურჭლის ინსტალაცია, მინანქრის ნაკეთობების გამოფენა, ღვინის დეგუსტაცია. ღონისძიება დასრულდა ქართული სიმღერის კონცერტით.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
