წყნეთში, დევნილების დასახლებაში  სპორტული მოედნების აღდგენითი სამუშაოები დაიწყო.

თბილისის მერიის ინფორმაციით, რეაბილიტაციის ფარგლებში მოეწყობა ახალი, ხელოვნური, მწვანე საფარი, განახლდება  საფეხბურთო კარი და კალათბურთის ფარები; ძველი ლითონის კონსტრუქცია შეიცვლება თანამედროვე, ახალი კონსტრუქციით; მოეწყობა მინა-პლასტიკის დამცავი ჯებირები და პანდუსები.

სარეაბილიტაციო  სამუშაოებს  ვაკის გამგებელი ნოდარ ტურძელაძე ადგილზე გაეცნო.

„რაიონის მასშტაბით, წელს დაგეგმილი იყო 23 სპორტული მოედნის აღდგენა-რეაბილიტაცია; მოსახლეობის მოთხოვნის გათვალისწინებით, კიდევ რამდენიმე დაემატა და, ჯამში, ვაკის რაიონს წელს 30-მდე აღდგენილი სპორტული მოედანი შეემატება“,-განაცხადა ნოდარ ტურძელაძემ.

ამ დროისთვის 8 სპორტული მოედნის რეაბილიტაცია დასრულებულია, 10-ზე კი სამუშაოები მიმდინარეობს.

ნოდარ ტურძელაძემ  წყნეთში მიმდინარე საგზაო სამუშაოებიც დაათვალიერა. თბილისის მერიის კეთილმოწყობის საქალაქო სამსახური რამდენიმე მისამართზე აწარმოებს საგზაო სამუშაოებს; ასფალტის ახალი საფარი კოსტავას (2 711 კვ/მ), თბილისის (1 036 კვ/მ), ტაბიძის (3 425 კვ/მ) და სააკაძის (3 919 კვ/მ) ქუჩებზე დაიგება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვაშინგტონმა კიდევ ერთხელ განაცხადა, რომ რუსული ნავთობის წინააღმდეგ სანქციების შემსუბუქებას არ გააგრძელებს

ზელენსკიმ რუსეთსა და უკრაინას შორის მოლაპარაკებების აზერბაიჯანში გამართვა შესთავაზა

მაკრონი: ევროპელებმა უნდა აღიარონ, რომ აშშ, ჩინეთი და რუსეთი ახლა ჩვენს წინააღმდეგ არიან

ზელენსკი აზერბაიჯანში ალიევთან შესახვედრად ჩავიდა