2016-05-14 21:45:57, 613 ნახვა

---

პრემიერი რესპუბლიკელებზე: რომ ვთქვა, რომ შერჩეული არ მყავს მათი შემცვლელები, არასერიოზული იქნება

"რომ ვთქვა, რომ შერჩეული არ მყავს მათი შემცვლელები, არასერიოზული იქნება" - განაცხადა საქართველოს პრემიერ-მინისტრმა გიორგი კვირიკაშვილმა "რესპუბლიკებელის" მისამართით. 

როგორც პრემიერი განმარტავს, მისთვის უცნობია, თუ როდის დატოვებენ ”რესპუბლიკელი” მინისტრები თანამდებობებს.

”რომ ვთქვა ახლა, რომ შერჩეული არ მყავს მათი შემცვლელები, არასერიოზული იქნება, იმიტომ, რომ ზუსტად ვიცი, მოსალოდნელია მათი წასვლა. თუმცა მათ ამაზე არ უსაუბრიათ - წავლენ თუ არა არჩევნებამდე. მაგრამ ჩემი მოვალეობაა, რომ ვიფიქრო და რა თქმა უნდა, მყავს გარკვეული კანდიდატურების ჩამონათვალი, რომლებსაც ამ სამ თანამდებობაზე განვიხილავ”, - განაცხადა პრემიერ-მინისტრმა "იმედის" პირდაპირ ეთერში.



 

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი