კომპანია IPM-ის მიერ ჩატარებული მასშტაბური კვლევის შედეგების მიხედვით, აღსრულების ეროვნული ბიურო ვითარდება და იცვლება უკეთესობისკენ, მიაჩნია რესპონდენტთა 69 პროცენტს.

კვლევების შედეგად გამოვლინდა, რომ აღსრულების ეროვნული ბიუროს განვითარებით კმაყოფილია გამოკითხულთა უმრავლესობა. ისინი ფიქრობენ, რომ უწყება უკეთესობისკენ იცვლება. 

ბოლო წლების განმავლობაში ამ მიმართულებით ბიუროში რამდენიმე სერიოზული ცვლილება განხორციელდა. მათ შორის: განხორციელდა სტრუქტურული რეორგანიზაცია - აღსრულების ეროვნულ ბიუროში მიმდინარე ბიზნეს პროცესები დაიყო სამ მიმართულებად, მიმდინარე წარმოების, წარმოების ხარისხობრივი კონტროლისა და განვითარების მიმართულებებად. აღნიშნული ცვლილება ორიენტირებული იყო აღსრულების ეროვნული ბიუროს წინაშე არსებული მთავარი გამოწვევების რეგულარული გადაწყვეტის დანერგვაზე. მოხდა აღსრულების პოლიციის გადახალისება და კვალიფიკაციის ამაღლება. გაიზარდა აღმასრულებლების რაოდენობა და მოხდა მათი დატრენინგება, რამაც გაზარდა შესრულებული სამუშაოს ხარისხი. 

ასევე, ბიუროს მიერ დაიწყო აქტიური საინფორმაციო კამპანია. წარმატებით ხორციელდება ,,პრევენციული კომუნიკაციის პროექტი“, რომლის ფარგლებში დამამთავრებელი კლასის მოსწავლეებში ტარდება ტრენინგები ფინანსურ ვალდებულებებთან დაკავშირებით. ხოლო იურიდიული ფაკულტეტის სტუდენტებისთვის ბიუროში ტარდება ლექცია-სემინარების ზოგადი კურსი აღსრულების სამართლის თეორიულ და პრაქტიკულ საკითხებში.

აღსრულების ეროვნული ბიუროს საქმიანობისა და უწყების მიმართ მოქალაქეების განწყობის შესახებ მასშტაბური კვლევა შვედეთის საერთაშორისო განვითარების სააგენტოს დაფინანსებით კომპანია IPM-მა ჩაატარა. კვლევის შედეგად მოხდა მომხმარებლის კმაყოფილების ინდექსის განსაზღვრა. ასევე, სამიზნე ჯგუფებში გამოიკითხა ბიუროს სერვისების ხელმისაწვდომობის, პროცედურების გამჭვირვალობის, მომხმარებლის მიმართ დამოკიდებულების, უპირატესობებისა და ნაკლოვანებების, პროფესიული უნარების განვითარების მაჩვენებლის შესახებ. 

კვლევაში მონაწილეობა შემთხვევითი შერჩევის პრინციპით მთელი საქართველოს მასშტაბით  160-მა კრედიტორმა, 221-მა მოვალემ, 122-მა აღმასრულებელმა და 1050-მა ზოგადად მოქალაქემ მიიღო. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ ფედერალურ დონეზე აღადგენს სიკვდილით დასჯის მეთოდს დახვრეტის გზით

აშშ-მ თეირანთან მოლაპარაკებების დაწყებამდე ირანის ჩრდილოვან ტანკერებსა და ჩინურ ნავთობგადამამუშავებელ ქარხანას სანქციები დაუწესა

„საქართველოს ნავთობისა და გაზის კორპორაციაში“ გაცემული ₾7 მლნ-ის პრემია არ არის სათანადოდ დასაბუთებული - აუდიტი

ლელო: რეჟიმი ცდილობს ბიზნესის ხმა ჩაახშოს, ჩვენ ამ ხმას გავაძლიერებთ