"სამართლიანი არჩევნების და დემოკრატიის საერთაშორისო საზოგადოებამ" 2011-2015 წლებში ცესკო-ს წევრთა და თანამშრომელთა საქმიანობის ანაზღაურების მონიტორინგის პრეზენტაცია გამართა.

"სამართლიანმა არჩევნებმა" ცესკო-დან გამოთხოვილი ინფორმაციის საფუძველზე კომისიის ხელმძღვანელი პირების, წევრებისა და საშტატო თანამშრომლებზე გაცემული ხელფასების, პრემიებისა და დანამატების ოდენობები შეისწავლა.

როგორც პრეზიენტაციაზე აღინიშნა, შესწავლის ეტაპზე რამდენიმე ტენდენცია გამოიკვეთა. კერძოდ, ცესკო-ს თავმჯდომარეების მიერ მიღებული პრემიისა და დანამატების ჯამური რაოდენობა მათ თანამდებობრივ სარგოს უტოლდება. მაგალითად, თამარ ჟვანიას 2013 წლის სექტემბრიდან 2015 წლის ნოემბრის ჩათვლით ანაზღაურების სახით მიღებული აქვს 329,520.55 ლარი.  აქედან, თანამდებობრივი სარგო 165,123.55 ლარია, პრემია 66.762, ხოლო სახელფასო დანამატი 97,635 ლარი. ამ პერიოდში ცესკო-ს თავმჯდომარის მიერ მიღებულმა პრემიამ და დანამატმა ჯამურად თანამდებობრივი სარგოს 99.6% შეადგინა , სიტუაცია მსგავსია ცესკო-ს სხვა თანამდებობის პირებისა და წევრების შემთხვევაში.

"სამართლიანი არჩევნების" ინფორმაციით, პრემიისა და სახელფასო დანამატების ოდენობები ყოველთვიურად იცვლება, რაც ხელს უშლის საჯარო დაწესებულებაში ფინანსების განკარგვის გამჭვირვალობას. ორგანიზაციაში თვლიან, რომ მნიშვნელოვანია უფრო მკაფიოდ განისაზღვროს გაცემული პრემიების და დანამატების პერიოდულობა, საფუძველი, ოდენობა და უნდა განისაზღვროს პრემიისა და დანამატის მინიმალური და მაქსიმალური პროცენტული ზღვარი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ ფედერალურ დონეზე აღადგენს სიკვდილით დასჯის მეთოდს დახვრეტის გზით

აშშ-მ თეირანთან მოლაპარაკებების დაწყებამდე ირანის ჩრდილოვან ტანკერებსა და ჩინურ ნავთობგადამამუშავებელ ქარხანას სანქციები დაუწესა

„საქართველოს ნავთობისა და გაზის კორპორაციაში“ გაცემული ₾7 მლნ-ის პრემია არ არის სათანადოდ დასაბუთებული - აუდიტი

ლელო: რეჟიმი ცდილობს ბიზნესის ხმა ჩაახშოს, ჩვენ ამ ხმას გავაძლიერებთ