თბილისის მერი დავით ნარმანია საკრებულოს 17 მაისს ეწვევა.

როგორც „ექსპრესნიუსს“ თბილისის საკრებულოდან აცნობეს, თბილისის მუნიციპალიტეტის საკრებულოს უმრავლესობის წევრებსა და დედაქალაქის მერს შორის გამართული კონსულტაციების შედეგად გადაწყდა, რომ დავით ნარმანია თბილისის წარმომადგენლობით ორგანოს 17 მაისს ეწვევა და საზოგადოებას თაბორის მთაზე 29 ჰექტარი მიწის ნაკვეთის საჯარო, პირობიანი აუქციონის წესით გასხვისებასთან დაკავშირებით ამომწურავ ინფორმაციას მიაწვდის.

როგორც საკრებულოს თავმჯდომარემ გიორგი ალიბეგაშვილმა განაცხადა, აღნიშნული გადაწყვეტილება თბილისის მუნიციპალიტეტმა  მოსახლეობის მაღალი ინტერესიდან გამომდინარე მიიღო.

,,აღნიშნულ საკითხთან დაკავშირებით ატეხილი აჟიოტაჟი უსაფუძვლოა. მერიის შესაბამისი სამსახურების წარმომადგენლებსა და საკრებულოს უმრავლესობის წევრებს შორის ინტენსიურად მიმდინარეობს სამუშაო შეხვედრები, შესაბამისად საკითხი დეტალურადაა განხილული და წარმომადგენლობითი ორგანოს უმრავლესობის წევრებს  კითხვები არ გაგვაჩნია. მერიისა და საკრებულოს უმრავლესობის  მხრიდან მედიასაშუალებებში არაერთი განმარტება გაკეთდა, მაგრამ,  რადგან აღნიშნულ პროექტთან დაკავშირებით, დღეის მდგომარეობით, საზოგადოებაში კვლავ არსებობს კითხვები, თბილისის  საკრებულოს უმრავლესობის წევრებსა და დედაქალაქის მერს შორის გამართული კონსულტაციების შედეგად გადაწყდა, რომ დავით ნარმანია თბილისის წარმომადგენლობით ორგანოს 17 მაისს ეწვევა და  ყველა კითხვას უპასუხებს“, - განაცხადა გიორგი ალიბეგაშვილმა.

ამასთან, საკრებულოს თავმჯდომარემ პროექტის მნიშვნელობაზე ისაუბრა და აღნიშნა, რომ 29 ჰექტარიდან მხოლოდ 2 ჰექტარზე იგეგმება მშენებლობები, დანარჩენი ტერიტორია კი სარეკრეაციო ზონას დაეთმობა და თბილისს შეემატება გამწვანებული, დასასვენებელი სივრცე, რაც კიდევ უფრო მიმზიდველს გახდის დედაქალაქს, როგორც ჩვენი მოქალაქეებისთვის ასევე ტურისტებისთვის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ ფედერალურ დონეზე აღადგენს სიკვდილით დასჯის მეთოდს დახვრეტის გზით

აშშ-მ თეირანთან მოლაპარაკებების დაწყებამდე ირანის ჩრდილოვან ტანკერებსა და ჩინურ ნავთობგადამამუშავებელ ქარხანას სანქციები დაუწესა

„საქართველოს ნავთობისა და გაზის კორპორაციაში“ გაცემული ₾7 მლნ-ის პრემია არ არის სათანადოდ დასაბუთებული - აუდიტი

ლელო: რეჟიმი ცდილობს ბიზნესის ხმა ჩაახშოს, ჩვენ ამ ხმას გავაძლიერებთ