სასამართლოში შექმნილი სიტუაცია, ვერანაირ კრიტიკას ვერ უძლებს, - ამის შესახებ "საქართველოს განვითარების ფონდის" სამართლის თემატური ჯგუფის ხელმძღვანელმა დავით ჯანდიერმა ჟურნალისტებს განუცხადა.

ჯანდიერის განცხადებით, ის სურათი, რომელსაც საზოგადოება სასამართლო სისტემაშ ხედავს არავითარი ოპტიმისტური დასკვნების გაკეთების საშუალებას არ იძლევა. ამასთან მისივე თქმით, ხელისუფლება მუდმივად ცდილობდა სასამართლო ხელისუფლების საკუთარი ინტერესებისთვის გამოყენებას.

"სასამართლოში შექმნილი სიტუაცია, ვერანაირ კრიტიკას ვერ უძლებს. ის სურათი, რომელსაც ვხედავთ, არავითარი ოპტიმისტური დასკვნების გაკეთების საშუალებას არ იძლევა. ხელისუფლება მუდმივად ცდილობდა, გამოეყენებინა სასამართლო ხელისფლება საკუთარი ინტერესებისთვის და ამას დღესაც ვხედავთ.

„საქართველოს განვითარების ფონდში“ შევუმუშავეთ კანონპროექტი, ერთი მიზნით, რომ იუსტიციის უმაღლეს საბჭოში გადაწყვეტილებების მიღება არ ხდებოდეს გარიგებების საფუძველზე. რიგითი მოსამართლის დამოუკიდებლობა იყოს უზრუნველყოფილი და საქართველოში არსებობდეს მოსამართლეთა დისციპლინური პასუხისმგებლობის შესახებ იმგვარი კანონმდელობა, რომელიც ევროპულ სტანდარტებს შეესაბამება", - განაცხადა ჯანდიერმა.

ცნობისთვის, „საქართველოს განვითარების ფონდი" ამ წუთებში სამოქალაქო სექტორის წარმომადგენლებს სასამართლო სისტემის დამოუკიდებლობისა და ეფექტიანობის გასაზრდელად შემუშავებულ საკანონმდებლო ცვლილოებების პაკეტს აცნობს. შემუშავებული კანონპროექტები სასამართლო კორპუსის დაკომპლექტების რეგულაციების გამოსწორებას გულისხმობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა