2016-04-15 15:21:04, 348 ნახვა
პოლიტიკა
ნოდარ ჯავახიშვილი EBRD-ის წარმომადგენლებს შეხვდა
საქართველოს რეგიონული განვითარებისა და ინფრასტრუქტურის მინისტრი ნოდარ ჯავახიშვილი, მოადგილეებთან ილია დარჩიაშვილთან და თენგიზ შერგელაშვილთან ერთად ევროპის რეკონსტრუქციისა და განვითარების ბანკის (EBRD) წარმომადგენლებს შეხვდა.
სამინისტროს ინფორმაციით, შეხვედრაზე მხარეებმა სამინისტროსა და EBRD-ის ერთობლივ პროექტებზე იმსჯელეს. განიხილეს სამომავლო გეგმები და თანამშრომლობის პერსპექტივები.
ასევე, განსაკუთრებული ყურადღება დაეთმო EBRD-ის ახალ სტრატეგიას საქართველოსთან მიმართებაში, მის გამოწვევებსა და პრიორიტეტებს რეგიონული და ინფრასტრუქტურული განვითარების თვალსაზრისით.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
