2016-04-14 17:35:56, 634 ნახვა
საზოგადოება
დიუმას ქუჩა ისტორიულ იერსახეს იბრუნებს
კრწანისში ისტორიული იერსახე კიდევ ერთ ქუჩას უბრუნდება.
როგორც „ექსპრესნიუსს“ კრწანისის რაიონის გამგეობიდან აცნობეს, ინფრასტრუქტურული პროექტის ფარგლებში, დიუმას ქუჩაზე ქვაფენილის მოწყობა დაიწყო.
მათივე ცნობით, სამუშაოები 1760 კვ.მ-ზე ფართობზე შესრულდება.
ქუჩაზე უკვე გამოიცვალა მიწისქვეშა კომუნიკაციები,ხოლო წლების გამავლობაში დაზიანებულ ასფალტს ჯავახიშვილის (ყოფილი ელბაქიძის) დაღმართის ქვაფენილი ჩაანაცვლებს.
გზის კაპიტალური შეკეთების პროცესს კრწანისის გამგებელი გიორგი კოპალეიშვილი და საკრებულოს მაჟორიტარი დეპუტატი ბექა ნაცვლიშვილი გაეცნენ.
სამუშაოები ერთ თვეში დასრულდება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
