უკრაინის პრეზიდენტის, ვოლოდიმირ ზელენსკის თქმით, სტამბოლში თურქეთის პრეზიდენტთან, რეჯეფ თაიფ ერდოღანთან შეხვედრისას უკრაინისა და თურქეთის ორმხრივი ურთიერთობები განიხილეს და უსაფრთხოების სფეროში თანამშრომლობის მხრივ ახალ ნაბიჯებზე შეთანხმდნენ.

ამის შესახებ ზელენსკიმ სოციალურ ქსელში დაწერა.

"უსაფრთხოების სფეროში თანამშრომლობაში ახალ ნაბიჯებზე შევთანხმდით. ეს ძირითადად ეხება სფეროებს, რომლებშიც თურქეთის მხარდაჭერა შეგვიძლია: ექსპერტიზა, ტექნოლოგია და გამოცდილება. ერთმანეთის დახმარების მტკიცე პოლიტიკური მზაობა არსებობს და ჩვენი გუნდები მომდევნო დღეებში დეტალებზე მუშაობას დაასრულებენ. განვიხილეთ პრაქტიკული ნაბიჯები ბუნებრივი აირის ინფრასტრუქტურის განვითარების ერთობლივი პროექტების შესასრულებლად, ასევე ბუნებრივი აირის საბადოების ერთობლივი განვითარების შესაძლებლობებიც". 

ზელენსკიმ ასევე მადლობა გადაუხადა ერდოღანსა და თურქეთს უკრაინის დამოუკიდებლობისა და ტერიტორიული მთლიანობის თანმიმდევრული მხარდაჭერისთვის და აღნიშნა, რომ აფასებენ "ამ წლების განმავლობაში მჭიდრო თანამშრომლობას". 

ავტორი: ექსპრესნიუსი,

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს