2016-03-31 17:43:56, 741 ნახვა
ეკონომიკა
საქართველოს მთავრობასა და კორეის რესპუბლიკის მთავრობას შორის შეთანხმება გაფორმდა
საქართველოს მთავრობასა და კორეის რესპუბლიკის მთავრობას შორის „შემოსავლებზე ორმაგი დაბეგვრის თავიდან აცილებისა და გადასახადების გადაუხდელობის აღკვეთის შესახებ" შეთანხმება გაფორმდა
ფინანსთა სამინისტროს ინფორმაციით, შეთანხმებას ხელი საქართველოს ფინანსთა მინისტრმა, ნოდარ ხადურმა და კორეის რესპუბლიკის ვიცე პრემიერ-მინისტრმა, სტრატეგიისა და ფინანსთა მინისტრმა, იუ ილ ჰომ მოაწერეს.
გარდა ამისა, უწყების ცნობით, მხარეებმა ეკონომიკური თანამშრომლობისა და ინვესტიციების მოზიდვის შესაძლებლობებზე ისაუბრეს.
შეხვედრას საქართველოს ელჩი კორეის რესპუბლიკაში ნიკოლოზ აფხაზავა ესწრებოდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
