Netblocks პროექტის თანახმად, ირანში შაბათს აშშ-ისრაელის საჰაერო დარტყმების დროს ინტერნეტის გათიშვა მოხდა. მონიტორინგის მონაცემების თანახმად, ქვეყანა ამჟამად „ინტერნეტის თითქმის სრული გათიშვის მდგომარეობაშია“, ხოლო შიდა ქსელის ხელმისაწვდომობა ნორმალური დონის მხოლოდ 4%-ია. „ინციდენტი აშშ-ისრაელის საომარი მოქმედებების ფონზე მოხდა და შეესაბამება გასული წლის ისრაელთან ომის დროს მიღებულ ზომებს“, - ნათქვამია ანგარიშში.

ამასობაში, ირანის სახელმწიფო საინფორმაციო სააგენტო Fars-მა განაცხადა, რომ ირანი, ისრაელისა და აშშ-ის დარტყმების პარალელურად, „კიბერშეტევებისა და ჰაკერული ოპერაციების მასიურ ტალღას“ განიცდიდა. გამოცემის ცნობით, სახელმწიფო საინფორმაციო სააგენტოებში შეფერხებები დაფიქსირდა. მაგალითად, IRNA-სა და ISNA-ს ვებსაიტები გატეხეს და სხვა რესურსებს „მათზე წვდომა უჭირთ“. Mehr-ის საინფორმაციო სააგენტოს პორტალზე წვდომა 403 შეცდომას იწვევს, რაც „წვდომის აკრძალვას“ ნიშნავს.

ადრე, იანვრის დიდი ნაწილის განმავლობაში, ირანელები ვერ უკავშირდებოდნენ ინტერნეტს, რადგან აიათოლას რეჟიმმა ქსელი დაბლოკა ანტისამთავრობო პროტესტების ჩახშობის საპასუხოდ, რომლის დროსაც, სავარაუდოდ, ათიათასობით დემონსტრანტი დაიღუპა.

ისრაელისა და აშშ-ის ირანში განლაგებულ სამიზნეებზე იერიშები 28 თებერვლის დილით დაიწყო, ბირთვული შეთანხმების დადების მიზნით აშშ-ირანის მოლაპარაკებების რამდენიმე წარუმატებელი რაუნდის შემდეგ. აშშ დაჟინებით მოითხოვს, რომ თეირანმა უარი თქვას ბირთვული იარაღის პროგრამაზე და ვაშინგტონს გადასცეს გამდიდრებული ურანის ყველა მარაგი.

ავტორი: ექსპრესნიუსი,

სოციალური ქსელები

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს

სასამართლომ გრიგოლ ლილუაშვილის ნათესავს, ანდრია ლილუაშვილს 12 წლით პატიმრობა მიუსაჯა

ნეტა ჩემი შვილი მომკვდარიყო და ის ბავშვი ყოფილიყო ცოცხალი - დაკავებული ნიკა კაპანაძის დედა