ევროკავშირი ამუშავებს გეგმას, რომელიც უკრაინას ბლოკში ნაწილობრივ გაწევრიანებას მომავალ წელს მიანიჭებს. იდეის მიზანია უკრაინის ევროპულ სივრცეში სამუდამოდ დამკვიდრება და „მოსკოვისგან მისი დაშორება“, იუწყება Politico 10 ოფიციალურ პირსა და დიპლომატზე დაყრდნობით.

ამასობაში, კიევი დაჟინებით მოითხოვს, რომ რუსეთთან სამშვიდობო შეთანხმებაში 2027 წელს ევროკავშირში გაწევრიანება იყოს გათვალისწინებული, აღნიშნავს გამოცემა. იდეა, რომელიც განხილვის საწყის ეტაპზეა, სავარაუდოდ, ფუნდამენტურ ცვლილებას წარმოადგენს ევროკავშირში ახალი ქვეყნების მიღების წესში. გეგმა ითვალისწინებს უკრაინის მიერ ევროკავშირის მაგიდასთან ადგილის მოპოვებას მანამ, სანამ ის სრული წევრობის უფლების მოსაპოვებლად საჭირო ყველა რეფორმას დაასრულებს.

წყაროების თანახმად, გეგმა ხუთი ნაბიჯისგან შედგება:

უკრაინის მზადების დაჩქარება: ევროკავშირი აჩქარებს უკრაინის განაცხადის მიღებას. ეს მოიცავს კიევისთვის არაფორმალური ხელმძღვანელობის მიწოდებას „კლასტერებთან“ მოლაპარაკებების შესახებ - წევრობის გზაზე იურიდიული ნაბიჯები;

ნაწილობრივი წევრობის ფორმატის შექმნა;

„დაელოდეთ ორბანის წასვლას“, რომელიც კატეგორიულად ეწინააღმდეგება უკრაინის ევროკავშირში გაწევრიანებას. ბრიუსელი ყურადღებით აკვირდება აპრილში უნგრეთის არჩევნებს. ორბანის ოპონენტი, პეტერ მადიარი, გვპირდება, რომ უკრაინის წევრობის საკითხს რეფერენდუმზე დააყენებს, რამაც შეიძლება შეცვალოს ბუდაპეშტის პოზიცია;

ტრამპის მოყვანა: ევროპელი ლიდერები თვლიან, რომ აშშ-ის პრეზიდენტი ტრამპი, რომელიც მხარს უჭერს უკრაინასა და რუსეთს შორის სამშვიდობო შეთანხმების იდეას, შეიძლება გავლენა მოახდინოს ორბანზე. ბრიუსელი იმედოვნებს, რომ ტრამპი პირადად დაარწმუნებს ბუდაპეშტს, არ დაბლოკოს გადაწყვეტილება;

ბოლო საშუალებაა უნგრეთისთვის ხმის მიცემის უფლების ჩამორთმევა: თუ ყველა სხვა ვარიანტი ჩავარდება, ევროკავშირს შეუძლია დაუბრუნდეს მე-7 მუხლს, ყველაზე მკაცრ პოლიტიკურ სანქციას, რაც გულისხმობს წევრი სახელმწიფოს ხმის მიცემის უფლების შეჩერებას.

ავტორი: ექსპრესნიუსი,

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს