ადამიანის უფლებათა ევროპულმა სასამართლომ რამდენიმე წუთის წინ საქმეზე - "გიორგი მექვაბიშვილი საქართველოს წინააღმდეგ" გადაწყვეტილება გამოიტანა.

გიორგი მექვაბიშვილი 2023 წლის 8 მარტს დააკავეს, რუსული კანონის წინააღმდეგ საპროტესტო აქციების დროს. აქციის დაშლისას გიორგი მექვაბიშვილი, სხვა ადამიანების მიმართ პოლიციელების სავარაუდო ძალადობრივ მოპყრობას ტელეფონით იღებდა და პოლიციას მოუწოდებდა, არ ეძალადათ აქციის მონაწილეზე, რა დროსაც ის დააკავეს.

გიორგი მექვაბიშვილი ადმინისტრაციულ სამართალდარღვევათა კოდექსის 166-ე (წვრილმანი ხულიგნობა) და 173-ე (სამართალდამცავი ორგანოს თანამშრომლის კანონიერი განკარგულებისა ან მოთხოვნისადმი დაუმორჩილებლობა) მუხლების საფუძველზე დააკავეს.

სტრასბურგის გადაწყვეტილების შესახებ Facebook-ზე იურისტი გიორგი ბურჯანაძე წერს და განმარტავს, რომ სტრასბურგის სასამართლომ გადაწყვეტილებაში დაადგინა სამართლიანი სასამართლოს უფლება, რადგან მსჯავრდებას მხოლოდ პოლიციელის ჩვენება დაედო.

ასევე, ის ამბობს, რომ დადგინდა შეკრების თავისუფლების დარღვევა, რადგან არსად ჩანდა გიორგი მექვაბიშვილის საქმეში, რომ ის მანიფესტაციის რამე წესს არღვევდა.

საქართველოს ახალგაზრდა იურისტთა ასოციაციამ (საია) უსული კანონის წინააღმდეგ გამართულ მარტის აქციებზე უკანონოდ დაკავებული გიორგი მექვაბიშვილის სახელით ადამიანის უფლებათა ევროპულ სასამართლოს საჩივრით 2023 წლის ოქტომბერში მიმართა. 

მომჩივანი ადამიანის უფლებათა ევროპული სასამართლოსათვის წარდგენილი საჩივარით ევროპული კონვენციის მე-5 (თავისუფლებისა და უსაფრთხოების უფლება), მე-6 (საქმის სამართლიანი განხილვის უფლება), მე-10 (გამოხატვის თავისუფლება) და მე-11 (შეკრების თავისუფლება) მუხლების დარღვევის დადგენას ითხოვდა. 

ავტორი: ექსპრესნიუსი,

სოციალური ქსელები

მაღალი აქტივობა: სომხეთში ამომრჩეველთა აქტივობამ საღამოს 5:00 საათის მონაცემებით თითქმის 49% შეადგინა

ტრამპმა კაპიტოლიუმის შენობაში შტურმის შედეგად დაზარალებულებისთვის კომპენსაციის გაცემის შესაძლებლობა წამოჭრა

ევროკავშირისა და დიდი ბრიტანეთის ავტოინდუსტრიები ელექტრომობილების წარმოშობის წესების შემსუბუქებას ითხოვენ ახალი ტარიფების რისკის გამო

სოფელ დიდგორთან მომხდარი ავტოავარიის შედეგად 5 ადამიანი დაიღუპა