რუსული მედიის ინფორმაციით, სანქცირებული რუსული ტანკერის ეკიპაჟში, რომელიც გუშინ ამერიკულმა ძალებმა დააკავეს, რუსეთის 2, საქართველოს 6 და კიდევ სხვადასხვა ქვეყნის 20, მათ შორის უკრაინის მოქალაქეები იმყოფებიან.

აშშ-მ დააკავა რუსეთის დროშის ქვეშ მცურავი ნავთობტანკერი Marinera, რომელიც ადრე ცნობილი იყო როგორც Bella 1, აშშ-ის სანქციების დარღვევაში ადანაშაულებს. ამის შესახებ აშშ-ის ევროპული სარდლობა იტყობინება. „გემი ჩრდილო ატლანტიკაში აშშ-ის ფედერალური სასამართლოს ბრძანების შესაბამისად დააკავეს“, - ნათქვამია განცხადებაში.

რუსეთის ტრანსპორტის სამინისტრომ დაადასტურა აშშ-ის საზღვაო ძალების მიერ გემზე ასვლა. სამინისტროს განმარტებით, ინციდენტი ღია ზღვაში, ნებისმიერი სახელმწიფოს ტერიტორიული წყლების გარეთ მოხდა. ტანკერთან კონტაქტი ამჟამად დაკარგულია.

ჩამორთმეული ტანკერი ვენესუელასთან არის დაკავშირებული. დაკავების კომენტირებისას, პენტაგონის მდივანმა პიტ ჰეგსეთმა განაცხადა, რომ სანქცირებული ვენესუელის ნავთობის „ბლოკადა“ მთელ მსოფლიოში ძალაში რჩება. „როიტერის“ ცნობით, 2025 წლის დეკემბერში, „Bella 1“, რომელიც მაშინ პანამის დროშით ცურავდა, აშშ-ის საზღვაო „ბლოკადას“ გაცდა. აშშ-ის სანაპირო დაცვამ გემის ჩაჭერა პირველად დეკემბერში სცადა და ტანკერს ორ კვირაზე მეტია მისდევს.

ავტორი: ექსპრესნიუსი,

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს