თეთრი სახლის პრესმდივანმა კეროლაინ ლევიტმა განაცხადა, რომ აშშ-ის პრეზიდენტი დონალდ ტრამპი და მისი მრჩევლები გრენლანდიის შესყიდვის სხვადასხვა ვარიანტს განიხილავენ და რომ „აშშ-ის სამხედროების ჩართვა ყოველთვის შესაძლებელია“.

მან ეს განცხადება ABC News-ის მიერ მოპოვებულ კომენტარებში გააკეთა.

თავის კომენტარში თეთრი სახლის პრესმდივანმა განაცხადა, რომ ტრამპმა „ნათლად განაცხადა, რომ გრენლანდიის შეძენა აშშ-ის ეროვნული უსაფრთხოების პრიორიტეტია და აუცილებელია არქტიკის რეგიონში მოწინააღმდეგეების შეკავებისთვის“.

„პრეზიდენტი და მისი გუნდი ამ მნიშვნელოვანი საგარეო პოლიტიკის მიზნის მისაღწევად სხვადასხვა ვარიანტს განიხილავენ და, რა თქმა უნდა, აშშ-ის სამხედროების ჩართვა ყოველთვის შესაძლებელია მთავარსარდლისთვის“, - დასძინა ლევიტმა.

როგორც მაუწყებელმა აღნიშნა, წარმომადგენელთა პალატის სპიკერმა მაიკ ჯონსონმა, როდესაც ჰკითხეს, ეთანხმებოდა თუ არა გრენლანდიაში სამხედრო მოქმედებას, უპასუხა, რომ არ ეთანხმებოდა.

„არა, არ მგონია, რომ ეს მიზანშეწონილი იყოს“, - დასძინა ჯონსონმა.

შეგახსენებთ, რომ ვენესუელაში აშშ-ის ოპერაციის შემდეგ მიცემულ ბოლო ინტერვიუებში აშშ-ის პრეზიდენტმა კიდევ ერთხელ გაიმეორა გრენლანდიის კონტროლის სურვილი.

დანიის და გრენლანდიის პრემიერ-მინისტრებმა ტრამპს მოუწოდეს, შეეწყვიტა ზეწოლა და მუქარა.

დანიის პრემიერ-მინისტრმა ფრედერიქსენმა ასევე განაცხადა, რომ გრენლანდიის შეერთებული შტატების მიერ ძალადობრივი ანექსია, თუ ეს მოხდება, ნატოს დასასრულს ნიშნავს.

ავტორი: ექსპრესნიუსი,

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს