ამერიკის შეერთებული შტატების პრეზიდენტი დონალდ ტრამპი აცხადებს, რომ აშშ უკრაინის დახმარებაზე დახარჯულ მთელ თანხას დაიბრუნებს. ამის შესახებ აშშ-ის პრეზიდენტმა ჟურნალისტებთან საუბრისას განაცხადა.

მისი თქმით, აშშ შეძლებს ომში უკრაინის დასახმარებლად დახარჯული თანხების სრულად ან „კიდევ უფრო მეტად“ დაბრუნებას.

„ჯო ბაიდენმა 350 მილიარდი აშშ დოლარი გასცა. ახლა მე ბევრი დავიბრუნე, რადგან ჩვენ დავდეთ გარიგება იშვიათ მინერალებზე. და ჩვენ ამ ფულის დიდ ნაწილს დავიბრუნებთ. შესაძლოა, მთელ ფულს, შესაძლოა, მთელ ფულზე მეტსაც კი, მაგრამ ახლა ჩვენ ვიღებთ ანაზღაურებას. რამეს როცა ვუგზავნით, ისინი იხდიან“, – განაცხადა ტრამპმა.

ტრამპმა ასევე თქვა, რომ უკრაინაში ომში ყოველთვიურად 25 000-დან 30 000-მდე ჯარისკაცი იღუპება.

„ყოველთვიურად 25 000-დან 30 000-მდე ჯარისკაცი იღუპება. და ისინი ამერიკიდან არ არიან. ისინი რუსეთიდან და უკრაინიდან არიან. მე თუ შევძლებდი ამის შეჩერებას, მსურდა მისი შეჩერება. ვფიქრობ, ამას გავაკეთებთ“, – განაცხაა აშშ-ის პრეზიდენტმა.

ცნობისთვის, 2025 წლის ივლისიდან, ტრამპისა და ნატო-ს გენერალური მდივნის, მარკ რუტეს მიერ ივლისში წამოწყებული „უკრაინის პრიორიტეტული მოთხოვნების სიის“ (PURL) პროგრამის ფარგლებში, ნატო-ს მოკავშირეები უკრაინისთვის აშშ-ის იარაღს ყიდულობენ.

ავტორი: ექსპრესნიუსი,

სოციალური ქსელები

მაღალი აქტივობა: სომხეთში ამომრჩეველთა აქტივობამ საღამოს 5:00 საათის მონაცემებით თითქმის 49% შეადგინა

ტრამპმა კაპიტოლიუმის შენობაში შტურმის შედეგად დაზარალებულებისთვის კომპენსაციის გაცემის შესაძლებლობა წამოჭრა

ევროკავშირისა და დიდი ბრიტანეთის ავტოინდუსტრიები ელექტრომობილების წარმოშობის წესების შემსუბუქებას ითხოვენ ახალი ტარიფების რისკის გამო

სოფელ დიდგორთან მომხდარი ავტოავარიის შედეგად 5 ადამიანი დაიღუპა