2016-03-28 14:08:06, 428 ნახვა

---

პრეზიდენტი: სამივე ქალბატონი იქნება ადამიანი, რომელიც განაჩენს არა რომელიმე პარტიის, არამედ საქართველოს სახელით გამოიტანს

„სამივე ქალბატონი - ანა დოლიძე, თამარ ლალიაშვილი და ნონა თოდუა იქნებიან ადამიანები, რომლებიც განაჩენს არა რომელიმე პოლიტიკური პარტიის, რომელიმე ჯგუფის, ან პოლიტიკოსის, არამედ საქართველოს სახელით გამოიტანენ“, - ამის შესახებ საქართველოს პრეზიდენტმა გიორგი მარგველაშვილმა უზენაესი სასამართლოს მოსამართლეებად თამარ ლალიაშვილისა და ნონა თოდუას კანდიდატურების წარდგენისას განაცხადა.

მანამდე პრეზიდენტი რეზიდენციაში ორივე მათგანს პირადად შეხვდა. შეხვედრას კიდევ ერთი კანდიდატი ანა დოლიძეც ესწრებოდა.

„სამივე კანდიდატი თავისი გამორჩეული ბიოგრაფიით, პროფესიონალიზმითა და თავისი პრინციპულობით იქნებიან ადამიანები, რომლებიც განაჩაენს გამოიტანენ არა რომელიმე პოლიტიკური პარტიის, რომელიმე ჯგუფის, ან პოლიტიკოსის, არამედ საქართველოს სახელით შეძლებენ რომ გამოიტანონ განაჩენი და უკეთესი მართლმსაჯულება მისცენ ქვეყანას“, - განაცხადა გიორგი მარგველაშვილმა. 

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი