გამოცემა The Hill-ის ინფორმაციით, აშშ-ის სენატში უმრავლესობის ლიდერმა, რესპუბლიკელმა ჯონ თუნმა წარმომადგენელთა პალატის სპიკერს, ასევე რესპუბლიკელ კონგრესმენ მაიკ ჯონსონს MEGOBARI Act-ის ეროვნული თავდაცვის ავტორიზაციის აქტში (NDAA) ჩართვაზე უარი უთხრა.

NDAA ყოველწლიური, აუცილებელი თავდაცვითი კანონპროექტია, რომელიც აშშ-ს ხელისუფლებას ეროვნული უსაფრთხოების პოლიტიკის პრიორიტეტებსა და სამხრედრო ხარჯების ოდენობას უდგენს.

The Hill-ის წყაროების თანახმად, სპიკერმა ჯონ ტუნს პირადი თხოვნით გასულ თვეში მიმართა - ასევე, წყაროების თანახმად, სენატის უმრავლესობის ლიდერმა ავტორიზაციის აქტში MEGOBARI Act-ის ჩართვის ინიციატივა ბოლო 3 თვეში უკვე მეორედ დაბლოკა.

The Hill წერს, რომ MEGOBARI Act კანონპროექტია, რომელიც მიზანში იღებს პრორუსულ, ანტიდემოკრატიულ ოფიციალურ პირებს საქართველოში.

გამოცემა წერს, რომ ანონიმურობის პირობის დაცვით, ამ ინფორმაციას 2 ადამიანზე დაყრდნობით ავრცელებს, რომლებიც კონგრესმენებთან თანაშემწეებად მუშაობენ.

The Hill ამ ინფორმაციაზე კომენტარის გასაკეთებლად დაუკავშირდა როგორც ჯონ თუნის, ასევე მაიკ ჯონსონის ოფისებს - მათ უარი თქვეს კომენტარის გაკეთებაზე. 

დღეს, 3 დეკემბერს გამოქვეყნებულ სტატიაში გამოცემა BBC-ის მიერ პირველ დეკემბერს გამოქვეყნებულ საგამოძიებო სიუჟეტსაც ახსენებს, რომლის თანახმადაც - ქართული ოცნების შინაგან საქმეთა სამინისტრო 2024 წლის აქციებზე დემონსტრანტების წინააღმდეგ პირველი მსოფლიო ომის დროს აკრძალულ ქიმიურ ნივთიერებას იყენებდა.

ავტორი: ექსპრესნიუსი,

სოციალური ქსელები

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა

WSJ: აშშ-სა და ისრაელის დაბომბვებმა ირანს ბირთვული ბომბის შექმნის შესაძლებლობა არ წაართვა