დონალდ ტრამპის ადმინისტრაცია, სავარაუდოდ, უკრაინას შორ მანძილზე მოქმედი „ტომაჰაკვის“ ტიპის ფრთოსანი რაკეტებით არ მოამარაგებს, განუცხადეს „როიტერსს“ აშშ-ის ოფიციალურმა პირმა და საკითხთან დაკავშირებულმა სამმა სხვა წყარომ. მათი თქმით, აშშ-ის მარაგში არსებული რაკეტები, ძირითადად, საზღვაო ძალებისთვისაა განკუთვნილი.

ერთ-ერთმა წყარომ აღნიშნა, რომ ამ „სამუშაო ცხენების“ დეფიციტი არ არსებობს, რომლებსაც აშშ-ის სამხედროები აქტიურად იყენებენ სახმელეთო სამიზნეებზე თავდასხმებისთვის. თუმცა, თუ უკრაინისთვის მიწოდება განიხილება, უფრო სავარაუდოა მოკლე რადიუსის ვარიანტები. ამავდროულად, აშშ-ის ოფიციალურმა პირმა განმარტა, რომ ადმინისტრაციამ შეიძლება განიხილოს ევროპელი მოკავშირეებისთვის სხვა შორ მანძილზე მოქმედი იარაღის შეძენის ნებართვის მიცემა კიევში შემდგომი მიწოდებისთვის.

„ტელეგრაფმა“ ადრე გაავრცელა ინფორმაცია უკრაინის მიერ „ტომაჰაკვის“ ტიპის რაკეტებზე მოთხოვნის შესახებ. გამოცემის ცნობით, პრეზიდენტმა ვოლოდიმირ ზელენსკიმ გაეროს გენერალური ასამბლეის ფარგლებში დონალდ ტრამპთან დახურულ შეხვედრაზე იარაღი მოითხოვა და ხაზი გაუსვა, რომ მათ შეეძლოთ ვლადიმერ პუტინის მოლაპარაკებაზე იძულება. თავად ზელენსკიმ მოგვიანებით დაადასტურა, რომ ტრამპმა უპასუხა მოთხოვნას და განაცხადა, რომ „ამაზე იმუშავებდა“.

სექტემბრის ბოლოს აშშ-ის ვიცე-პრეზიდენტმა ჯ.დ. ვენსმა განაცხადა, რომ ვაშინგტონი მართლაც განიხილავდა „ტომაჰავკის“ ტიპის ფრთოსანი რაკეტების კიევისთვის გადაცემის შესაძლებლობას. მან განაცხადა, რომ საბოლოო გადაწყვეტილებას პირადად პრეზიდენტი ტრამპი მიიღებდა.

1 ოქტომბერს გამოცხადდა, რომ დონალდ ტრამპმა უკრაინისთვის რუსეთის ენერგეტიკულ ობიექტებზე დარტყმების შესახებ სადაზვერვო მონაცემების მიწოდების ნებართვა გასცა. 2 ოქტომბერს კი ვოლოდიმირ ზელენსკიმ განაცხადა, რომ უკრაინას შეუძლია აშშ-სგან დამატებითი დახმარების მიღება შორი დისტანციის დარტყმებთან დაკავშირებით, თუმცა კონკრეტული დეტალები არ გაამხილა.

ავტორი: ექსპრესნიუსი,

სოციალური ქსელები

ვრჩებით რუსთაველზე და ვათენებთ, არ დავიძვრებით ადგილიდან, სანამ ქვეყანაში რუსული რეჟიმი არ დასრულდება - "ერთობა"

დაშავებული აქციის 6 მონაწილე და 21 სამართალდამცველი ჰოსპიტალიზირებულია- ჯანდაცვის სამინისტრო

ორბელიანის მოედნის მიმდებარედ აქციის მონაწილეთა ნაწილი კვლავ რჩება, პერიოდულად სპეცდანიშნულების რაზმი ე.წ. გაზის კაფსულებს იყენებს

ცეესკოს მონაცემებით თბილისში არჩევნებზე 31.08% მივიდა ქვეყნის მასშტაბით, 40.93%-ი