უკრაინის საზღვაო დრონებითა და უპილოტო საფრენი აპარატებით რუსეთის შავი ზღვის პორტებზე თავდასხმა გრძელდება. ნოვოროსიისკს ტუაფსეს პორტიც შეუერთდა, იტყობინება რუსეთის ხელისუფლება სოციალურ მედიაში.

„შავ ზღვაში უპილოტო ნავები აღმოაჩინეს! ტუაფსეს რაიონის მაცხოვრებლებსა და სტუმრებს გთხოვთ, დატოვონ სანაპირო ზონა!“ - განაცხადა ტუაფსეს მუნიციპალური რაიონის ხელმძღვანელმა სერგეი ბოიკომ Telegram-ზე დღის დასაწყისში.

საღამოს მან ასევე მოითხოვა, რომ მაცხოვრებლებმა დატოვონ ქალაქის ცენტრალური ნაწილი.

ამასობაში, სოციალურ მედიაში გავრცელდა ვიდეო, რომელიც სავარაუდოდ ტუაფსეშია გადაღებული. მასში სროლისა და აფეთქებების ხმებია ასახული, ასევე წყალში მანევრირებადი ობიექტების დარტყმის მცდელობები. ქალაქის მაცხოვრებლები ტუაფსეში კომუნიკაციის შეფერხების შესახებ იუწყებიან.

მიუხედავად ხელისუფლების მოწოდებებისა, დაეტოვებინათ სანაპირო ზონა და არაფერი გადაეღოთ, ვიდეოში ჩანს მრავალი თვითმხილველი, რომლებიც პორტში „ბრძოლას“ ტელეფონებით იღებენ. ტუაფსეზე თავდასხმის შემდეგ, სოჭის ხელისუფლებამ, რომელიც სამხრეთით 60 კილომეტრში მდებარეობს, გამოაცხადა დამსვენებლების ევაკუაცია მისი პლაჟებიდან. თუმცა, ჯერჯერობით არ არსებობს ინფორმაცია იქ დრონების განლაგების შესახებ.

ავტორი: ექსპრესნიუსი,

სოციალური ქსელები

საზოგადოებრივი მაუწყებლისა და “იმედის” ჟურნალისტებისთვის ხელის შეშლის ფაქტზე პროკურატურამ გამოძიება დაიწყო

კობახიძის მუქარა - დამხობა ჩავარდა, ვერავინ გაეპარება პასუხისმგებლობას

ვრჩებით რუსთაველზე და ვათენებთ, არ დავიძვრებით ადგილიდან, სანამ ქვეყანაში რუსული რეჟიმი არ დასრულდება - "ერთობა"

დაშავებული აქციის 6 მონაწილე და 21 სამართალდამცველი ჰოსპიტალიზირებულია- ჯანდაცვის სამინისტრო