კოალიცია „ცვლილებებისთვის“ ერთ-ერთი ლიდერი, ელენე ხოშტარია დააკავეს. ამის შესახებ ინფორმაცია „დროას“ მიერ გავრცელებული ვიდეოდან გახდა ცნობილი.

„დროას“ წევრის, გიგა ლემონჯავას, განცხადებით, ხოშტარია შსს-ს წარმომადგენლებმა წაიყვანეს.

„მოვიდნენ ელენე ხოშტარიასთან, შინაგან საქმეთა სამინისტროდან, დააკავეს, ჩასვეს მანქანაში და წაიყვანეს. ზუსტად არ ვიცით, მაგრამ სავარაუდოდ, შსს-ს შუშებიან შენობაში. ნამდვილად ვიცით, რომ ბრალი წაუყენეს იმ მუხლით, რომელიც შსს-მ დაწერა - 187-ე მუხლით. ეს პოლიტიკურად აბსურდია, თუმცა რეალობა ეგაა“, — განაცხადა ლემონჯავამ.

ხოშტარიას კახა კალაძის საარჩევნო ბანერების დაზიანებას ედავებიან. გამოძიება სისხლის სამართლის კოდექსის 187-ე მუხლით მიმდინარეობს, რაც ნივთის დაზიანებას ან განადგურებას გულისხმობს.

შსს-ს ცნობით, ექსპერტიზის საფუძველზე დადგინდება ზარალის ზუსტი ოდენობა და შესაბამისი სამართლებრივი რეაგირება მოჰყვება.

ხოშტარიას დაკავებამდე ჟურნალისტებმა კახა კალაძეს ჰკითხეს, იყო თუ არა მისი მოთხოვნა პოლიტიკოსის დაკავება.

„ქვეყანაში არსებობს კანონი და კანონს, კეთილი უნდა ინებოს და ყველამ პატივი უნდა სცეს“, — განაცხადა კალაძემ და ხოშტარიაზე საუბრისას აღნიშნა, რომ „პოლიტიკოსი ცოტა ხმამაღალი ნათქვამია, მაგრამ კანონები არსებობს და ყველამ უნდა დაემორჩილოს“.

ავტორი: ექსპრესნიუსი,

სოციალური ქსელები

აღდგომის დღეს მცხეთაში 53 წლის კაცი მოკლეს

კობახიძე მადიაროს გამარჯვებას ულოცავს, ორბანს მადლობას უხდის

უკრაინამ უნგრეთში მოგზაურობის შესახებ გაფრთხილება გააუქმა

ანი წითლიძე - ივანიშვილის რუსული რეჟიმი ბევრად უფრო დაუნდობელია, ვიდრე ორბანის.