07:54 - 12 Apr, 2026
ჩვენ შესახებ რეკლამა/ხელმოწერა
2025-09-02 16:39:55, 571 ნახვა

პოლიტიკა
პაპუაშვილი წულუკიანის კომისიის დასკვნას ისტორიულს უწოდებს და მსოფლიოში მის გავრცელებას გეგმავს

ერთპარტიული პარლამენტის თავმჯდომარის შალვა პაპუაშვილის აზრით, თეა წულუკიანის მიერ შექმნილმა საგამოძიებო კომისიამ ისტორიული მისია შეასრულა.

„საზოგადოება თვეების განმავლობაში აკვირდებოდა და პირდაპირ ეთერში იხსენებდა იმ დანაშაულებს, რომლებიც „ნაციონალური მოძრაობის" რეჟიმის პერიოდში ხდებოდა. ყველას გვახსოვს ის ემოციები, რომელიც დაზარალებულებს ჰქონდათ კომისიის სხდომებზე საუბრის დროს. არსებობს ჯერ კიდევ მოუშუშებელი იარები, რომლებსაც ნამდვილად სჭირდება პარლამენტის მხრიდან შესაბამისი შეფასება და ამ მხრივ, კომისიამ, ვფიქრობ, ისტორიული მისია შეასრულა" - განაცხადა პაპუაშვილმა.

მისი  თქმით,  ითარგმნება უცხო ენაზე იმისთვის, რომ  ხელმისაწვდომი იყოს ყველასთვის და განსაკუთრებით მათთვის, ვისაც ჯერ კიდევ რაღაც სენტიმენტები აქვს „ნაციონალური მოძრაობის" რეჟიმთან დაკავშირებით.

„დასკვნა, რომელიც 400 გვერდზე მეტია, ითარგმნება უცხო ენაზე იმისთვის, რომ  ხელმისაწვდომი იყოს ყველასთვის და განსაკუთრებით მათთვის, ვისაც ჯერ კიდევ რაღაც სენტიმენტები აქვს „ნაციონალური მოძრაობის" რეჟიმთან დაკავშირებით. სამწუხაროა, რომ დღემდე სხვადასხვა, მათ შორის ხელისუფლებების წარმომადგენლების მხრიდან გვესმის არათუ „ნაციონალური მოძრაობის" რეჟიმის სისასტიკის დაკნინება, არამედ პირიქით, შექებაც კი. ვფიქრობ, ეს არის კარგი შესაძლებლობა, მათ შორის იმ უცხოელებისთვის, რომლებმაც თავის დროზე ხელიდან გაუშვეს შანსი, რომ 2012 წელსვე სათანადოდ შეეფასებინათ ის დიქტატორული რეჟიმი, რომელიც დამყარებული იყო. ახლა, ეს არის ხელმეორე შანსი, რომელიც ეძლევა უცხოელ პოლიტიკოსებს, ხელისუფლებების თუ სხვადასხვა ორგანიზაციების წარმომადგენლებს, რომ გაიაზრონ, როგორ დანაშაულებრივ რეჟიმს უჭერდნენ მხარს თავის დროზე, მფარველობდნენ და დღემდე მფარველობს ზოგიერთი. ეს არის შანსი ქართველი ხალხის წინაშე, ქართველი ხალხის მიერ მიცემული შანსი მათთვის, რომ კიდევ ერთხელ დაგმონ ის რეჟიმი, რომელიც არსებობდა „ნაციონალური მოძრაობის" სახით, მათ შორის ზოგიერთი უცხოური ძალის განსაკუთრებული ხელშეწყობით", - განაცხადა შალვა პაპუაშვილმა.
 





ავტორი: ექსპრესნიუსი,


სოციალური ქსელები
ფოთისა და ხობის მიტროპოლიტის სააღდგომო გზავნილი
პატრიარქის მოსაყდრის, მიტროპოლიტ შიო მუჯირის სააღდგომო ეპისტოლე - სრულად
რომელ ქუჩებზე დაწესდება შეზღუდვები თბილისში 12-13 აპრილს - თბილისის მერია
CBS News: აშშ გაყინული ირანული აქტივების განბლოკვას არ დათანხმებულა
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics