"ქართული ოცნების" პრემიერ-მინისტრმა ირაკლი კობახიძემ შოვის ტრაგედიის მეორე წლისთავზე განაცხადა, რომ მეწყერის შედეგად დაღუპული უფროსებისა და ბავშვების ხსოვნა არ დავიწყებია და ჩვენი მოვალეობაა, ისინი გვახსოვდეს.

„ჩვენი მოვალეობაა, გვახსოვდეს დაღუპულები. ასევე ჩვენი მოვალეობაა, ყველაფერი გავაკეთოთ იმისათვის, რომ მომავალში ასეთი ტრაგედიები აღარ განმეორდეს.

აქამდე მყინვარული მეწყრების მსგავსი პრეცედენტი არ ყოფილა და ასეთი კვლევები არ ჩატარებულა. ჩვენ მთელი ქვეყნის მასშტაბით შვეიცარიულ კომპანიასთან ერთად დავიწყეთ კვლევების ჩატარება - შევისწავლით მყინვარებს, ეროზიულ პროცესებს და ეს ყველაფერი საშუალებას მოგვცემს, თავიდან ავიცილოთ შესაბამისი რისკები.

<…> უახლოეს მომავალში შოვში ტაძრის მშენებლობა დაიწყება, რაც ყველასთვის მნიშვნელოვანია, განსაკუთრებით კი დაღუპულთა ოჯახის წევრებისთვის, რომლებიც ხშირად ჩამოდიან აქ, ტრაგედიის ადგილზე“, - განაცხადა საქართველოს მთავრობის მეთაურმა.

კობახიძემ ერთი წლის წინ განაცხადა, რომ შოვში, ტრაგედიის ადგილზე, ტაძარი აშენდებოდა. თუმცა, სამუშაოები ჯერ არ დაწყებულა.

დავამატოთ, რომ მყინვარული მეწყრები არის ყინულისა და თოვლის მასების სრიალი მთიან რაიონებში ფერდობზე გრავიტაციის გავლენით, რაც შეიძლება გამოწვეული იყოს სხვადასხვა ფაქტორებით, როგორიცაა ტემპერატურის ცვლილება, ყინულისა და თოვლის დნობა, სეისმური აქტივობა და ა.შ.

ავტორი: ექსპრესნიუსი,

სოციალური ქსელები

მაისიდან მოყოლებული, უკრაინის შეიარაღებულმა ძალებმა ყირიმისკენ მიმავალ „სახმელეთო ხიდზე“ საწვავის ცისტერნებსა და სატვირთო მანქანებზე დაახლოებით 200 დარტყმა განახორციელეს.

Amnesty International - საქართველოში სამოქალაქო თავისუფლებები შემცირდა

საქართველოში ნებართვის გარეშე VI საუკუნის ეკლესია დაანგრიეს - ოცნების რეჟიმი არ რეაგირებს

UFC-ის ხელმძღვანელი: თოფურიამ თვალის სერიოზული ტრავმა მიიღო