სინდისის პატიმარი გიორგი გორგაძე სხდომის დაწყებამდე შეუძლოდ გახდა. „ფორმულას“ ჟურნალისტი ადგილიდან იუწყება რომ გამოიძახეს სასწრაფო დახმარებაც. ადვოკატის თქმით, გიორგი გორგაძეს მოწამვლის სიმპტომები აქვს

„ბრალდებულები შემოიყვანეს. გიორგი გორგაძე ცუდადაა. სახეზე ფერი არ აქვს. ზის და ხელებში აქვს თავი ჩარგული. ეს დაინახა დედამ და აქედან იწყება სცენა, რომელიც ყველასთვის მძიმე სანახავია.

ის აღარ უსმენს მანდატურებს, აღარ ფიქრობს წესებზე, შედის იქ, სადაც წესით არ უშვებენ ხოლმე მშობლებს, დგება ბადრაგის წინ და აკანკალებული იწყებს საუბარს: რა ჭირს ჩემს შვილს, მიხედეთ.. თქვენს შვილს რომ ეს მოუვიდეს რას უზამთ, არ შეიძლება ასე ადამიანი აწამო... ექიმი მოიყვანეთ... რატომ არ აქცევთ ყურადღებას...[ფრაგმენტულად ისმის ფრაზებიც და ფრაგმენტულად მესმის ხმა]

გორგაძის დედა ამ მომენტში არღვევს დუმილს და საუბრობს ისე ხმამაღლა, როგორც არასდროს მას შემდეგ, რაც მისი შვილი დააკავეს. „დამშვიდდით“ - ისმის ხმები. გორგაძე გაყავთ ბადრაგებს. შედის ექიმიც. ადვოკატის ცნობით, დილით კარგად იყო, თუმცა გზად შეუძლოდ გახდა.
„დაამშვიდე დედამისი და უთხარი, რომ ჩვენ გავიყვანთ დარბაზიდან“, - ეუბნება მიმინოშვილი დედას, ელენეს. ელენე მიდის გორგაძის დედასთან, მხარზე ხელს ადებს და შვილის დანაბარებს აცნობს.

ახლა ყველა ფეხზეა, სხდომა ვერ იწყება... გიორგი გოგრაძის დედა ბარიერზეა ჩამოყრდნობილი და ელოდება, რას იტყვის ექიმი, ელოდება, რომ შვილს ფერი დაუბრუნდეს.

დროდადრო თავს ვერ იკავებს და ხან პროკურორებს მიმართავს, ხან მანდატურებს: გამოიყვანეს დამნაშავეები, არ გრცხვენიათ, რის გამო ზიან...". დარბაზში ხმაურია“ — წერს სალომე ჩადუნელი სოციალურ ქსელში

ავტორი: ექსპრესნიუსი,

სოციალური ქსელები

ანგელა მერკელმა აღიარა, რომ მისი თანამდებობაზე ყოფნის წლებში თავდაცვის ხარჯები არასაკმარისი იყო

სომხეთში მიმდინარე საპარლამენტო არჩევნებში ყოველთა სომეხთა კათოლიკოსმა ხმა მისცა

შინაგან საქმეთა სამინისტრო: გორში მომხდარ ცემაში მონაწილე პოლიციელები საქართველოდან არ წასულან.

გავრილოვის ღამის წლისთავთან დაკავშირებით, თბილისში საპროტესტო მსვლელობა გაიმართება