„ჩვენ სამ მილიონ ევროზე მეტი გამოვყავით გაეროს განვითარების პროგრამის კანონის უზენაესობის პროექტის მხარდასაჭერად საქართველოში. ამ თანხის მნიშვნელოვანი ნაწილი ლტოლვილების მხარდაჭერას მოხმარდება“, - განაცხადა გერმანიის ელჩმა საქართველოში, პიტერ ფიშერმა.

მისი თქმით, UNDP-ის მეშვეობით, ლტოლვილებს საშუალება ექნებათ, საჭირო სერვისებით ისარგებლონ.

„საქართველო მხარს უჭერს უკრაინას. რუსეთმა უკრაინას შეუტია. ეს არის თავდასხმა ევროპაში ომისშემდგომ მსოფლიო წესრიგზე, რომელიც მეორე მსოფლიო ომის შემდეგ დამყარდა. ჩვენ გვეგონა, რომ გამოვიარეთ ის დრო, როდესაც საზღვრები ძალის გამოყენებით იცვლებოდა ან სამხედრო გზით ცდილობდნენ მათ შეცვლას. რუსეთმა დაარღვია ეს წესრიგი. ჩვენ ამას არ შევეგუებით. ჩვენ მხარს დავუჭერთ უკრაინას მანამ, სანამ საჭირო იქნება. ეს ეხება ჩვენს უსაფრთხოებას და თავისუფლებას. სხვათა შორის, ეს ასევე ეხება საქართველოს უსაფრთხოებას და თავისუფლებას. ჩვენ სამ მილიონ ევროზე მეტი გამოვყავით გაეროს განვითარების პროგრამის კანონის უზენაესობის პროექტის მხარდასაჭერად საქართველოში. ამ თანხების უმეტესი ნაწილი გამოიყენება ლტოლვილების მხარდასაჭერად, რათა მათ შეძლონ საკუთარი თავის დახმარება, ჰქონდეთ ადგილი, სადაც მიიღებენ საჭირო მომსახურებას და დაიწყებენ საკუთარ ბიზნესს. „ამ რთულ დროს, როდესაც ისინი იძულებულნი გახდნენ დაეტოვებინათ სამშობლო, მათ უნდა შეეძლოთ შემოსავლის მიღება და ამ საშინელ პირობებში გადარჩენა“, - თქვა ფიშერმა.

ავტორი: ექსპრესნიუსი,

სოციალური ქსელები

პაპ ლეო XIV-ის სააღდგომო ქადაგება: მშვიდობა დიალოგის გზით და არა ძალდატანებით

მეუფე იაკობი: აბსოლუტურად ყველა გვერიდოს, ღმერთთან სხვა ძალებს არ ჩავრევთ

სადიგოვთან მიმართებით მიღებული გადაწყვეტილება საერთაშორისო სამართლის უხეში დარღვევაა - მედიის ადვოკატირების კოალიცია

სერბეთის პრეზიდენტი: უნგრეთისკენ მიმავალი გაზსადენის მახლობლად ასაფეთქებელი ნივთიერებები აღმოაჩინეს