04:43 - 06 Apr, 2026
ჩვენ შესახებ რეკლამა/ხელმოწერა
2025-07-10 13:13:53, 897 ნახვა

პოლიტიკა
კახა კალაძე- აშკარად ჩანს, რომ თვითმმართველობის არჩევნებში მონაწილეობის საკითხთან დაკავშირებით ოპოზიცია არეულია

„დარწმუნებული ვარ, რომ ყველა მუნიციპალიტეტში გაიმარჯვებს „ქართული ოცნება“, რადგან ის არის ერთადერთი ძალა, რომელიც ქართველ ხალხს ემსახურება და არ იმართება გარედან“, - ამის შესახებ დედაქალაქის მერმა მედიასთან თვითმმართველობის არჩევნების საკითხზე კომენტირებისას ისაუბრა.

კახა კალაძის თქმით, „ქართული ოცნება“  უახლოეს პერიოდში დაიწყებს წინასაარჩევნო კამპანიას და  საზოგადოებას მიაწვდის ინფორმაციას  თუ რის გაკეთებას აპირებს მომდევნო წლებში.

„ისინი ერთ დღეს ერთს ამბობენ, მეორე დღეს მეორეს. აშკარად ჩანს, რომ არეულები არიან. გარკვეული პარტიები ამბობენ, რომ არჩევნებისთვის ემზადებიან. ჩვენთვის  მნიშვნელობა არ აქვს, ისინი რა გადაწყვეტილებას მიღებენ. მთავარი არის ჩვენი პოზიციები - „ქართული ოცნება-დემოკრატიულ საქართველოს“ უკვე დაწყებული აქვს მზაობა არჩევნებისთვის. ჩვენ ძალიან მალე დავიწყებთ წინასაარჩევნო კამპანიას, საზოგადოებას მივაწვდით კონკრეტულ ინფორმაციას პროექტებზე, თუ რის გაკეთებას ვაპირებთ მომდევნო წლებში. მე დარწმუნებული ვარ, რომ ყველა მუნიციპალიტეტში გაიმარჯვებს „ქართული ოცნება“, რადგან ის არის ერთადერთი ძალა, რომელიც საქართველოს, ქართველ ხალხს ემსახურება და არ იმართება გარედან, როგორც რადიკალები იმართებიან“, -  აღნიშნა თბილისის მერმა.

მისივე თქმით, ოპოზიციის მხრიდან პოლიტიკურ სპეკულაციებს აქვს ადგილი არჩევნებთან დაკავშირებით, თუმცა, საზოგადოებამ კარგად იცის მათი წარსული.

„ჩვეულებრივი პოლიტიკური სპეკულაციები მიდის. გვაქვს კონკრეტული შემთხვევები რეგიონებში, სადაც საკრებულოებში ოპოზიციამ კოალიციები შექმნა და ჩვეულებრივად თანამშრომლობენ დღესაც „ნაციონალურ მოძრაობასთან“. შეიძლება ჩვენ ვიხილოთ სხვადასხვა პოლიტიკური პარტია, ერთი და იმავე სახეებით, რომლებიც „ნამოძრაობის“ წიაღში აღმოცენდნენ, ვიღაცა გვიან შეუერთდა მათ, მაგრამ მთავარი ის არის, რომ ყველა ეს დაჯგუფება გარედან იმართება, მათ ჰყავთ ერთი პატრონი. როგორ გადაწყვეტილებასაც მიიღებენ - ერთიანი პლატფორმა იყოს თუ ცალკე პარტიებად დაიშალონ და ახალი სახელები დაირქვან, ამას არსებითი მნიშვნელობა არ აქვს. ხალხმა იცის, ვინ რას წარმოადგენს, როგორია მათი პოლიტიკური წარსული თუ აწმყო, ვის ემსახურებიან. ისინი არც საქართველოს და არც ქართველ ხალხს არ ემსახურებიან“, - განაცხადა კახა კალაძემ.  





ავტორი: ექსპრესნიუსი,


სოციალური ქსელები
ტრამპი ირანს - გახსენით ორმუზის სრუტე, გიჟო ნაძირლებო, თორემ იცხოვრებთ ჯოჯოხეთში
აზოვის ზღვაში უკრაინელებმა ხორბლის გადამზიდავი ჩაიძირეს
პაპ ლეო XIV-ის სააღდგომო ქადაგება: მშვიდობა დიალოგის გზით და არა ძალდატანებით
მეუფე იაკობი: აბსოლუტურად ყველა გვერიდოს, ღმერთთან სხვა ძალებს არ ჩავრევთ
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics