13:48 - 05 Apr, 2026
ჩვენ შესახებ რეკლამა/ხელმოწერა
2025-07-04 09:13:53, 1525 ნახვა

საზოგადოება
საფრანგეთში საავიაციო გაფიცვამ ქუთაისიდან Wizz Air-ის რეისები შეაჩერა

საფრანგეთში დაწყებული გაფიცვის გამო კომპანია Wizz Air ამ ქვეყანაში ქუთაისიდან რეისებს ვეღარ ასრულებს. - ამის შესახებ კომპანიის მიერ გავრცელებულ განცხადებაშია ნათქვამი.

მათივე მტკიცებით, Wizz Air დაუყოვნებლივ ეხმარება დაზარალებულ მომხმარებლებს სხვა რეისების გადაჯავშნასა და ფულის სწრაფად დაბრუნებაში.

“საჰაერო მოძრაობის დისპეჩერების (ATC) მიმდინარე გაფიცვა საფრანგეთში, რომელიც ჩვენი კონტროლის მიღმაა, მნიშვნელოვნად აფერხებს ფრენებს როგორც საფრანგეთის, ასევე მისი მეზობელი ქვეყნების მარშრუტებზე. მასშტაბური ინდუსტრიული გაფიცვა სერიოზულ გადატვირთვას იწვევს ევროპის საჰაერო სივრცეში, რაც იწვევს ფრენების დაგვიანებასა და, გარკვეულ შემთხვევაში, ფრენის გადადებას რამდენიმე ევროპული ავიაკომპანიისთვის, მათ შორის Wizz Air-ისთვისაც. შესაბამისად, მოგიწოდებთ მოთმინებისა და გულისხმიერებისკენ ამ რთულ პერიოდში, რადგან შეფერხებები გამოწვეულია ჩვენგან დამოუკიდებელი პროცესებით. ამ სირთულეების მიუხედავად, Wizz Air რჩება ერთგული მომხმარებელზე ორიენტირებული პრინციპისა. ავიაკომპანია ყველაფერს აკეთებს, რათა შეინარჩუნოს რეისების განრიგი და თავიდან აიცილოს გაუქმებები - ვცდილობთ რეისების განხორციელებას მაშინაც კი, როცა ისინი გვიანდება. ჩვენი საოპერაციო და მომხმარებლების მომსახურების გუნდები შეუჩერებლად მუშაობენ, რათა მინიმუმამდე შეამცირონ ზეგავლენა მგზავრებზე.

როცა გაუქმება გარდაუვალია, Wizz Air დაუყოვნებლივ ეხმარება დაზარალებულ მომხმარებლებს სხვა რეისების გადაჯავშნასა და ფულის სწრაფად დაბრუნებაში. ვაფასებთ ჩვენი მგზავრების გულისხმიერებასა და მოთმინებას ამ კრიტიკულ პერიოდში, რომელიც ავიაკომპანიის კონტროლს სცდება.

Wizz Air-ის წარმომადგენლები ვიმედოვნებთ, რომ საფრანგეთში დაინტერესებულ მხარეებს შორის კონსტრუქციული დიალოგი შედგება და აღდგება ნორმალური მუშაობა ევროპის საჰაერო სივრცეში, რომელიც უკვე გადატვირთულია დამატებითი პრობლემების გარეშეც. მიუხედავად იმისა, რომ ეს ეროვნული საკითხია, ის ზემოქმედებს მილიონობით მგზავრზე მთელ ევროპაში."- წერია ავიაკომპანიის განცხადებაში.

 

 

 





ავტორი: ექსპრესნიუსი,


სოციალური ქსელები
CIA-მ ირანში ამერიკელი ოფიცრის გადასარჩენად დეზინფორმაციის ოპერაცია ჩაატარა
უკრაინამ ბალტიის ზღვაზე მდებარე პრიმორსკის პორტი, ნიჟნი-ნოვგოროდის ნავთობგადამამუშავებელი ქარხანაა და თბოელექტროსადგური დაბომბა
ადვოკატი: სადიგოვის დეპორტაციაზე სტრასბურგი უკვე ინფორმირებულია
ზუგდიდში 73 წლის პენსიონერი მოკლეს
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics