თუ დონალდ ტრამპს შეთანხმების მიღწევა სურს, მაშინ ირანის უზენაესი ლიდერის მიმართ უპატივცემულო ტონით საუბარი უნდა შეწყვიტოს, - ამის შესახებ ირანის საგარეო საქმეთა მინისტრმა, აბას არაღჩიმ განაცხადა.

ირანის საგარეო საქმეთა მინისტრი, აბას არაღჩი აშშ-ის პრეზიდენტის, დონალდ ტრამპის განცხადებას გამოეხმაურა, რომლის თანახმადაც მან ირანის უზენაესი ლიდერი, აიათოლა ალი ხამენეი „სიკვდილისგან გადაარჩინა“.

„თუ პრეზიდენტ ტრამპს გულწრფელად სურს შეთანხმების მიღწევა, მაშინ მან ირანის უზენაესი ლიდერის, აიათოლა ხამენეის მიმართ უპატივცემულო და მიუღებელი ტონით საუბარი უნდა შეწყვიტოს“, - განაცხადა აბას არაღჩიმ.

მისი თქმით, „ირანელმა ხალხმა მსოფლიოს აჩვენა, რომ ისრაელის რეჟიმს სხვა არჩევანი არ ჰქონდა გარდა იმისა, რომ „მამიკოსთან“ გაქცეულიყო“.

„თუ ილუზიები უარესი შეცდომების დაშვებას გამოიწვევს, მაშინ ირანი თავისი რეალური შესაძლებლობების გამოყენებას არ დააყოვნებს და ირანის სიძლიერის შესახებ ცრუ წარმოდგენებს დაამსხვრევს“, - აღნიშნა ირანის საგარეო საქმეთა მინისტრმა.

ავტორი: ექსპრესნიუსი,

სოციალური ქსელები

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის

სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს