ჩვენ ვართ პატარა ქვეყანა და შესაბამისად, დიდ ომებს ჩვენ ვერ მოვიგებთ. არც გვინდა ჩავერთოთ, არც დიდ და არც პატარა ომებში. ასეთ ვითარებაში, მთავარი ასპარეზი, სადაც ქართველმა შეიძლება უმაღლეს დონეზე აწიოს ქართული დროშა და გააჟღეროს ქართული ჰიმნი არის სწორედ სპორტი - ამის შესახებ პრემიერ-მინისტრმა, ირაკლი კობახიძემ პარლამენტში ყოველწლიური მოხსენებით გამოსვლისას, დეპუტატების კითხვების საპასუხოდ განაცხადა.

როგორც მან აღნიშნა, სპორტი არის ერთ-ერთი ყველაზე ხელშესახები სფერო, სადაც ზუსტად ჩანს ის, თუ რა შედეგი მოაქვს კონკრეტულ ინვესტიციას.

„ჩვენ ვართ პატარა ქვეყანა და შესაბამისად, დიდ ომებს ჩვენ ვერ მოვიგებთ. არც გვინდა ჩავერთოთ, არც დიდ და არც პატარა ომებში. ასეთ ვითარებაში, მთავარი ასპარეზი, სადაც ქართველმა შეიძლება უმაღლეს დონეზე აწიოს ქართული დროშა და გააჟღეროს ქართული ჰიმნი არის სწორედ სპორტი. შესაბამისად, ძალიან დასაფასებელია ჩვენი სპორტსმენების მიღწევები. განსაკუთრებული მიღწევაა ხვიჩა კვარაცხელიას მიერ ჩემპიონთა ლიგის მოგება და მასაც მინდა მივულოცო ეს წარმატება. სპორტი არის ერთ-ერთი ყველაზე ხელშესახები სფერო, სადაც ზუსტად ჩანს ის, თუ რა შედეგი მოაქვს კონკრეტულ ინვესტიციას. ჩვენი ამოცანაა, რომ ყველა მიმართულებით გვქონდეს ხელშესახები შედეგები, როგორიც გვაქვს სპორტის მიმართულებით. გვინდა მაქსიმალურად განვავითაროთ ჩვენი ქვეყანა ყველა მიმართულებით. გპირდებით, რომ საქართველოს მთავრობა ცდას და შრომას არ დააკლებს“,- განაცხადა ირაკლი კობახიძემ.

ავტორი: ექსპრესნიუსი,

სოციალური ქსელები

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის

სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს