თიბისი კაპიტალი საერთაშორისო ბაზარზე განვითარებას განაგრძობს და ინვესტორებს სრულიად ახალ შესაძლებლობებს უხსნის.

თიბისი კაპიტალი პირველი საინვესტიციო ბანკია, რომელსაც უზბეკეთის კაპიტალის ბაზრის მარეგულირებელმა სააგენტომ ე.წ. რეგულატორული სენდბოქსის წევრობა მიანიჭა. აღნიშნული საშუალებას იძლევა, თიბისი კაპიტალის ინვესტორებისთვის უზბეკეთის ფასიანი ქაღალდების ბაზარი უფრო ხელმისაწვდომი გახდეს.

რეგულატორული სენდბოქსი სპეციალური სამართლებრივი რეჟიმია, რომელიც უცხოურ შუამავალ კომპანიებს საშუალებას აძლევს, არარეზიდენტ პირებს სპეციალური ლიცენზიების გარეშე მოემსახურონ. თიბისი კაპიტალი შეძლებს, ინვესტორების სახელით ჩაერთოს უზბეკეთის ფასიანი ქაღალდების ბაზარზე, შეიძინოს სახაზინო ობლიგაციები, კორპორატიული ბონდები, ასევე ჰქონდეს ნაღდი ფულის ანგარიში ადგილობრივ და უცხოურ ვალუტაში და სხვა.

„თიბისი კაპიტალი აქტიურად მონაწილეობს უზბეკეთის კაპიტალის ბაზრის განვითარებაში, ახალი სტატუსი კი საშუალებას გვაძლევს ავამაღლოთ ჩვენ მიმართ ნდობა და გავაფართოოთ თიბისი კაპიტალის როლი როგორც ლოკალურ, ასევე საერთაშორისო ბაზარზე. უზბეკეთის რეგულატორი სენდბოქსის წევრობა სრულიად ახალი საფეხურია ჩვენთვის და ჩვენი ინვესტორებისთვის, რომლებსაც მრავალფეროვან პროდუქტებზე წვდომის საშუალებას ვაძლევთ. ამ ნაბიჯებით ვცდილობთ, ვუპასუხოთ მზარდ მოთხოვნას და მომხმარებლებს ახალი საინვესტიციო შესაძლებლობები გავუხსნათ. ეს სრულ თანხვედრაშია ჩვენს სტრატეგიულ მიზნებთან, რომელიც გლობალურად თიბისი კაპიტალის გაფართოებას გულისხმობს“,- ოთარ შარიქაძე, თიბისი კაპიტალის დირექტორი.

ავტორი: NS (სტატია დაფინანსებულია),

სოციალური ქსელები

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის

სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს