სახელმწიფო უსაფრთხოების სამსახურის უფროსის, ანრი ოხანაშვილის განცხადებით, საქართველოს ტერიტორიის 100 ჰექტარი დაიკარგა, რასთან დაკავშირებითაც საჭიროა განმარტება.

შესაბამისი განცხადება ოხანაშვილმა, ყოფილი პრემიერ-მინისტრისა და შს მინისტრის გიორგი გახარიას საგამოძიებო კომისიის სხდომაზე ჩორჩანას საკითხთან დაკავშირებით განმეორებით დაბარებაზე საუბრისას განაცხადა.

სუს-ის უფროსის თქმით, საგამოძიებო კომისიის წინაშე დაბარებული პირი არ გამოცხადდა, რაც საჭიროებს შესაბამის შეფასებას.

„ჩორჩანასთან დაკავშირებით არის ორის მოცემულობა: ერთი ის, რომ საგამოძიებო კომისიის წინაშე დაბარებულია კონკრეტული პირი და ფაქტია, რომ ის არ გამოცხადდა კომისიის წინაშე, რა ახსნა აქვს, ეს პარლამენტის და საგამოძიებო კომისიის შესაფასებელია. ფაქტი არის ის, რომ ჩვენი ტერიტორიების 100 ჰექტარი დროებით, მაგრამ დაიკარგა. ამას სჭირდება ახსნა. ჩვენ დაველოდებით და მოვისმენთ საგამოძიებო კომისიის წინაშე რა განმარტება გაკეთდება“,- განაცხადა ანრი ოხანაშვილმა.

კითხვაზე, ვინ იყო საქმის კურსში ჩორჩანას საგუშაგოს აღმართვასთან დაკავშირებით, ოხანაშვილი პასუხობს, რომ საგუშაგოს აღმართვასთან დაკავშირებით გადაწყვეტილება სახელმწიფო უსაფრთხოების სამსახურის გვერდის ავლით იქნა მიღებული.

„ფაქტი არის ის, რომ ეს არ იყო კოორდინირებული პასუხისმგებელ უწყებასთან, რომელსაც პირდაპირ ევალება ე.წ საოკუპაციო ხაზთან კონკრეტული საკითხებში ჩართულობა ეს გახლავთ სახელმწიფო უსაფრთხოების სამსახური, რომლის გვერდის ავლით განხორციელდა ეს ყოველივე“,- განაცხადა ოხანაშვილმა.

ამასთან, კითხვაზე გახარია საქართველოში არ დაბრუნდება მოხდება თუ არა მის მიმართ ძებნა გამოცხადებული, ოხანაშვილი ასე პასუხობს: „ ეს არ არის სახელმწიფო უსაფრთხოების სამსახურის კომპეტენცია. ამისთვის შესაბამისი უწყება არის პასუხისმგებელი“,- აღნიშნა ოხანაშვილმა.

ავტორი: ექსპრესნიუსი,

სოციალური ქსელები

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის

სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს