ადგილობრივი თვითმმართველობის არჩევნებში მონაწილეობა არის რუსული ძალადობრივი რეჟიმის ლეგიტიმაცია - მე გამოხატავ იმედს, რომ ჩვენი პარტნიორები „ლელოდან“ დაბრუნდებიან იმ პრინციპულ პოზიციაზე, რომელსაც სულ რამდენიმე ხნის წინ თავად მოაწერეს ხელი, - ამის შესახებ „კოალიცია ცვლილებისთვის“ ერთ-ერთმა ლიდერმა, ელენე ხოშტარიამ ბრიფინგზე განაცხადა.

მისი თქმით, თვითმმართველობის არჩევნებში ოპოზიციის მონაწილეობა ამორალურია და მათ შორის, ეს ბრძოლის შეწყვეტას ნიშნავს.

„დღეს, ადგილობრივი თვითმმართველობის არჩევნებში მონაწილეობა არის რუსული ძალადობრივი რეჟიმის ლეგიტიმაცია. ეს არის წინა, 26 ოქტომბრის რუსული სპეცოპერაციის და მიტაცებული არჩევნების პრაქტიკულად, დანებება და აღიარება. ეს არის ბრძოლის შეწყვეტა. აღარაფერს ვამბობ, რომ ეს არის, ჩემი აზრით, ამორალური სინდისის პატიმრების და პოლიტიკური პარტნიორების [ციხეში] ყოფნის ფონზე. აქედან გამომდინარე, ჩვენი ბრძოლის სტრატეგია უნდა იყოს რეჟიმის არაღიარება, ართანამშრომლობა და ყველაფერი, რაც არღვევს ამ პირობებს, არის სრულიად მიუღებელი.

„წინააღმდეგობის პლატფორმამ“ 26 მაისს გააკეთა მკაფიო განცხადება, რომ ადგილობრივი არჩევნები უნდა ჩატარდეს მხოლოდ ახალი საპარლამენტო არჩევნების პირობებში და ბიძინა ივანიშვილის კონტროლს მიღმა. ეს რეჟიმი არჩევნებს არ ჩაატარებს. ამ გადაწყვეტილების და განცხადების ნაწილი იყო „ლელო“, ჩემი მეგობრები და პარტნიორები „ლელოდან“, მათ გაიზიარეს ეს მოთხოვნა, ისინი იყვნენ ამ პოზიციაზე, შესაბამისად, დღეს ამ ერთიანი საერთო ოპოზიციური პოზიციის შეცვლა, დარღვევა და დისონანსის შემოტანა, ჩემთვის იწვევს დიდ გაკვირვებას, გულის დაწყვეტას. მე გამოვხატავ იმედს, რომ ჩვენი პარტნიორები დაბრუნდებიან იმ პრინციპულ პოზიციაზე, რომელსაც სულ რამდენიმე ხნის წინ თავად მოაწერეს ხელი,“ - განაცხადა ხოშტარიამ.

ავტორი: ექსპრესნიუსი,

სოციალური ქსელები

ტიმ კუკი Apple-ის აღმასრულებელი დირექტორის თანამდებობიდან ტოვებს, მას ჯონ ტერნუსი შეცვლის

Axios: ირანის უზენაესმა ლიდერმა ტრამპის ახალი მუქარის შემდეგ აშშ-სთან მოლაპარაკებების გაგრძელების ბრძანება გასცა

ესტონეთი ზელენსკის ბალტიისპირეთის ქვეყნებზე რუსეთის შესაძლო თავდასხმის შესახებ გაკეთებული განცხადებების გამო აკრიტიკებს

მადიარი ზელენსკის ულტიმატუმის ენით ესაუბრება და რუსული ნავთობის მიწოდების განახლებას ითხოვს