ევროკავშირი უფრო და უფრო მეტად ემსგავსება საბჭოთა კავშირს, ამის ნათელი მაგალითია, როგორ ცდილობს ევროკავშირი 61 ქვეყანა დააშანტაჟოს, – ამის შესახებ საპარლამენტო უმრავლესობის წევრმა, დავით მათიკაშვილმა განაცხადა.

მისივე თქმით, ნაკლებად სავარაუდოა, რომ მუქარები რეალობაში განხორციელდეს.

„პირველ რიგში, ნაკლებად სავარაუდოა, რომ ეს მუქარები რეალობამდე მივიდეს. ევროკავშირი უფრო და უფრო მეტად ემსგავსება საბჭოთა კავშირს, ამის ნათელი მაგალითია, როგორ ცდილობს ევროკავშირი 61 ქვეყანა დააშანტაჟოს. რომელიმე ქვეყანა თუკი არ წავა იმ გადაწყვეტილების გზაზე, რაც ბრიუსელიდან იქნება გაცხადებული, შეეცდებიან ამ პედალირების ინსტრუმენტის გამოყენებას. ნათელი მაგალითია ჩვენი უახლოესი წარსულიდანაც, რომელი სახელმწიფო, რა მიზნებით იყენებდა ასე უსაფუძვლოდ ემბარგოს, სანქციებს, ხალხის დეპორტაციას ქვეყნიდან. ეს იყო რუსეთი და დღეს არათუ დღევანდელ რუსეთს, არამედ იმ ღრმა საბჭოთა კავშირს ემსგავსება ევროკავშირი, როდესაც ასეთ გადაწყვეტილებებს იღებს ან ცდილობს, მიიღოს, რადგან დააშანტაჟოს ქართველი ერი. ერთადერთი მიზეზის გამო, საქართველო არ ჩაერთო იმ დიდ უბედურებაში, რომელსაც საქართველოს უქადდა უკრაინაში ომთან დაკავშირებით ჩართულობაზე გადაწყვეტილების აღსრულება“, – განაცხადა მათიკაშვილმა.

ავტორი: ექსპრესნიუსი,

სოციალური ქსელები

ტიმ კუკი Apple-ის აღმასრულებელი დირექტორის თანამდებობიდან ტოვებს, მას ჯონ ტერნუსი შეცვლის

Axios: ირანის უზენაესმა ლიდერმა ტრამპის ახალი მუქარის შემდეგ აშშ-სთან მოლაპარაკებების გაგრძელების ბრძანება გასცა

ესტონეთი ზელენსკის ბალტიისპირეთის ქვეყნებზე რუსეთის შესაძლო თავდასხმის შესახებ გაკეთებული განცხადებების გამო აკრიტიკებს

მადიარი ზელენსკის ულტიმატუმის ენით ესაუბრება და რუსული ნავთობის მიწოდების განახლებას ითხოვს