საერთაშორისო გამჭვირვალობა - საქართველო ივანიშვილის ერთ-ერთი წარმომადგენლის, გიორგი ჭყონიას 2024 წლის 26 ოქტომბრის არჩევნების შემდგომ მიღებულ სახელმწიფო შესყიდვების შესახებ განცხადებას ავრცელებს.

ორგანიზაციის თქმით, 2024 წლის საპარლამენტო არჩევნების შემდეგ, ივანიშვილის დეპუტატის, გიორგი ჭყონიას კომპანიამ 5 სახელმწიფო შესყიდვიდან 37 095 628 ლარი მიიღო - ორგანიზაცია ასევე აღნიშნავს, აღნიშნული პირის კომპანიებმა 2011-2025 წლამდე, ჯამურად სახელმწიფო შესყიდვებიდან 392 მილიონ ლარამდე მიიღო.

"ქართული ოცნების ოლიგარქი დეპუტატის, გიორგი ჭყონიას კომპანია „გზამ” 2024 წლის 26 ოქტომბრის საპარლამენტო არჩევნების შემდეგ 5 სახელმწიფო შესყიდვიდან  37,095,628 ლარი მიიღო. ამ თანხის 91,7% (34,017,338 ლარი) ბათუმის მუნიციპალური ა(ა)იპ-ის "საქალაქო ინფრასტრუქტურისა და კეთილმოწყობის სამმართველოს" მიერ გამოცხადებულ 4  ტენდერზე მოდის, ხოლო 3,078,290 ლარი აჭარის საავტომობილო გზების დეპარტამენტის ტენდერიდან მიიღო.

ჯამურად, გიორგი ჭყონიას კომპანიებმა სახელმწიფო შესყიდვებიდან 2011-2025 წლებში 392 მილიონ ლარამდე მიიღო. მისი წარსული ბიზნეს საქმიანობა და სახელმწიფო შესყიდვებიდან მიღებული სარგებელი ადრეც გამოვიკვლიეთ.

გიორგი ჭყონია საპარლამენტო არჩევნებში მონაწილეობდა ქართული ოცნების საარჩევნო სიით და  იყო  ქობულეთის დელეგატი.

ჭყონიამ 2016 წლიდან დღემდე „ქართულ ოცნებას” 400,000 ლარი შესწირა, მისმა ბიზნესპარტნიორებმა და კომპანიების დირექტორებმა - 1,000,000 ლარზე მეტი". - წერია ორგანიზაციის განცხადებაში.

ავტორი: ექსპრესნიუსი,

სოციალური ქსელები

ზურაბიშვილი - 14 წელი! ეს უკვე ზღვარს გადასცდა! ეს „ოცნება“ აღარ ეკუთვნის „მეოცნებეებს“, არამედ დროებითი მმართველების, ძალაუფლების ხელში ჩაგდებული პირების ან მონების კოშმარად იქცა

იოსელიანი დიუშენის აქციაზე: მოვუწოდებ შსს-ს უზრუნველყოს მშვიდობიანი შეკრების თავისუფლება

დეველოპერულ კომპანია „ზიონსა" და ლიბერთი ბანკს შორის თანამშრომლობის მემორანდუმი გაფორმდა

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს